ৰোহিত-কোহলীৰ বেটিং পৰাক্ৰমত দিশহাৰা অষ্ট্ৰেলিয়া

ৰোহিত শৰ্মা আৰু বিৰাট কোহলীৰ বেটিং পৰাক্ৰমত দিশহাৰা অষ্ট্ৰেলিয়া

অষ্ট্ৰেলিয়াৰ বিৰুদ্ধে অন্তিমখন এদিনীয়াত বৃহত জয় টীম ইণ্ডিয়াৰ। ৰোহিত শৰ্মা আৰু বিৰাট কোহলীৰ বেটিং পৰাক্ৰমত দিশহাৰা অষ্ট্ৰেলিয়াৰ বলাৰ। চিডনীত এদিনীয়া কেৰিয়াৰৰ ৩৩ সংখ্যক শতক অৰ্জন কৰিলে ৰোহিতে। 

অষ্ট্ৰেলিয়াৰ বিৰুদ্ধে অন্তিমখন এদিনীয়াত বৃহত জয় টীম ইণ্ডিয়াৰ। চিডনীত অনুষ্ঠিত তৃতীয় তথা অন্তিমখন এদিনীয়াত টীম ইণ্ডিয়াৰ হাতত ৯ উইকেটত পৰাস্ত অষ্ট্ৰেলিয়া। অপৰাজিত শতকীয় ইনিংছৰ বাবে ৰোহিত শৰ্মাই লাভ কৰে মেন অৱ দা মেচৰ সন্মান।

টছত জয়ী হৈ প্ৰথমে বেটিং কৰাৰ সিদ্ধান্ত লৈছিল অষ্ট্ৰেলিয়াৰ অধিনায়ক মিচেল মাৰ্চে।  প্ৰথমে বেটিং কৰিবলৈ আহি অষ্ট্ৰেলিয়াই ৪৬.৪ অভাৰত আটাইকেইটা উইকেট হেৰুৱাই ২৩৬ ৰান সংগ্ৰহ কৰে। অষ্ট্ৰেলিয়াৰ হৈ মেথিউ ৰেনশ্ব’ৱে সৰ্বাধিক ৫৬ ৰান সংগ্ৰহ কৰাৰ লগতে অধিনায়ক মিচেল মাৰ্চে ৪১ ৰানৰ ইনিংছ খেলে। টীম ইণ্ডিয়াৰ হৈ হৰ্ষিত ৰানাই সৰ্বাধিক ৪টা, ৱাছিংটন সুন্দৰে ২টা আৰু কুলদ্বীপ যাদৱ, মহম্মদ চিৰাজ, প্ৰসিদ্ধা কৃষ্ণ আৰু অক্ষৰ পেটেলে এটাকৈ উইকেট দখল কৰে। 

প্ৰত্যুত্তৰত ২৩৭ ৰানৰ বিজয়লক্ষ্যৰে বেটিং কৰিবলৈ অহা টীম ইণ্ডিয়াই ৰোহিত শৰ্মাৰ শতক আৰু বিৰাট কোহলীৰ অৰ্ধশতকৰ সহায়ত ৬৯টা বল বাকী থকা অৱস্থাতেই এটা উইকেট হেৰুৱাই  বিজয়লক্ষ্যত উপনীত হয়। ৰোহিত শৰ্মাই ১২১ ৰানৰ অপৰাজিত ইনিংছ খেলাৰ লগতে বিৰাট কোহলীয়ে ৭৪ ৰানৰ অপৰাজিত ইনিংছ খেলে। অপৰাজিত শতকীয় ইনিংছৰ বাবে ৰোহিত শৰ্মাই লাভ কৰে মেন অৱ দা মেচৰ সন্মান।

তৃতীয়খন এদিনীয়াত জয়লাভ কৰিলেও শৃংখলাটো ২-১ৰ ব্যৱধানত দখল কৰে অষ্ট্ৰেলিয়াই।