জনজাতিকৰণৰ বিৰোধিতাৰে BTCৰ সচিবালয়ৰ ভিতৰত ধ্বংসলীলা

অশান্ত কোকৰাঝাৰ! 
জনজাতিকৰণৰ বিৰোধিতাৰে BTCৰ সচিবালয়ৰ ভিতৰত ধ্বংসলীলা

জনজাতিকৰণৰ বিৰোধিতাৰে কোকৰাঝাৰত উত্তপ্ত পৰিস্থিতি। BTCৰ সচিবালয়ৰ ভিতৰত শ শ প্ৰতিবাদী শিক্ষাৰ্থীয়ে চলালে ধ্বংসলীলা। সচিবালয়ৰ ভিতৰৰ টেবুল–চকী, আচবাব ভাঙি লণ্ডভণ্ড কৰিলে প্ৰতিবাদকাৰীয়ে।

জনজাতিকৰণৰ বিৰোধিতাৰে এইবাৰ কোকৰাঝাৰত উত্তপ্ত পৰিস্থিতি।  বড়ো ৰাজনৈতিক নেতাই জনজাতিকৰণৰ বিৰোধিতা নকৰাত ক্ষোভ। শ শ প্ৰতিবাদী শিক্ষাৰ্থীয়ে BTCৰ সচিবালয়ৰ ভিতৰত চলালে ধ্বংসলীলা। সচিবালয়ৰ ভিতৰৰ টেবুল–চকী, আচবাব ভাঙি লণ্ডভণ্ড প্ৰতিবাদকাৰীৰ।

BTC সচিবালয়ৰ মূল প্ৰৱেশদ্বাৰ ভাঙি BTC সচিবালয় চৌহদত প্ৰৱেশ কৰিছিল শ শ শিক্ষাৰ্থীয়ে। কোনো পৰিস্থিতিতে ৬ জনগোষ্ঠীৰ জনজাতিকৰণ মানি নোলোৱাৰ হুংকাৰ। পৰিস্থিতি জটিল হোৱাৰ পিছতেই SSP, DC উপস্থিত হৈছে ঘটনাস্থলীত। We want Hugrama ধ্বনিৰে উত্তাল প্ৰতিবাদ  বড়োলেণ্ড বিশ্ববিদ্যালয়ৰ ছাত্ৰ-ছাত্ৰীৰ। 

আজি অসম বিধানসভাৰ শীতকালীন অধিৱেশনৰ অন্তিম দিন। বিধানসভাত আজি দাখিল হোৱাৰ কথা ৬ জনগোষ্ঠীৰ জনজাতিকৰণ সন্দৰ্ভত প্ৰতিবেদন। তাৰ পূৰ্বেই কোকৰাঝাৰৰ দেৱৰগাঁৱৰ বড়োলেণ্ড বিশ্ববিদ্যালয় চৌহদৰ পৰা শিক্ষাৰ্থীৰ সমদল। প্ৰায় ৫ কিলোমিটাৰ সমদল কৰি কেইবাশ ছাত্ৰ-ছাত্ৰী উপস্থিত হৈছিল BTC সচিবালয়ত। সমদল কৰি আহি BTC সচিবালয়ৰ প্ৰৱেশদ্বাৰ ভাঙি প্ৰৱেশ কৰে প্ৰতিবাদকাৰীয়ে। হাগ্ৰামা মহিলাৰীৰ ঘৰলৈ গৈ প্ৰতিবাদ সাব্যস্ত কৰাৰো হুংকাৰ। 'WE WANT HAGRAMA...' শ্লোগান দি BTCৰ সচিবালয় উত্তপ্ত কৰিলে বড়োলেণ্ড বিশ্ববিদ্যালয়ৰ শ শ শিক্ষাৰ্থীয়ে। ৬ জনগোষ্ঠীৰ জনজাতিকৰণৰ বিৰোধিতাৰে BTC প্ৰধান হাগ্ৰামা মহিলাৰীক বিচাৰি সৃষ্টি কৰিলে উত্তপ্ত পৰিস্থিতি। 

BTC সচিবালয় ভাঙি লণ্ডভণ্ড প্ৰতিবাদী শিক্ষাৰ্থীৰ। জনজাতিকৰণক লৈ কোকৰাঝাৰত উত্তপ্ত পৰিস্থিতি। বড়ো ৰাজনৈতিক নেতাই ৬ জনগোষ্ঠীৰ জনজাতিকৰণৰ বিৰোধিতা নকৰাত ক্ষোভৰ উদগীৰণ। কোনো পৰিস্থিতিতে ৬ জনগোষ্ঠীৰ জনজাতিকৰণ মানি নোলোৱাৰ হুংকাৰ। প্ৰতিবাদী শিক্ষাৰ্থীয়ে ক'লে- 'চৰকাৰৰ সিদ্ধান্তৰ বিৰুদ্ধে আজি আমি ওলাই আহিছো। ৬ জনগোষ্ঠীক লৈ ৰাজ্য চৰকাৰে লোৱা সিদ্ধান্তৰ বাবে আজি কোকৰাঝাৰত এই পৰিস্থিতিৰ সৃষ্টি হ'ল। ৬ জনগোষ্ঠীক  জনজাতিকৰণ দি আমাক জনজাতীয় লোকসকলক কি কৰিব বিচাৰিছে চৰকাৰে'? এনেদৰে এতিয়া চৰকাৰক প্ৰশ্ন কৰিছে প্ৰতিবাদী ছাত্ৰ-ছাত্ৰীয়ে।