ৰাজ্যত এতিয়া প্ৰৱঞ্চকৰ লুটপাত!

ৰাজ্যত এতিয়া প্ৰৱঞ্চকৰ লুটপাত!
চলাহী কথাৰে লুটি নিব পাৰে আপোনাৰ সাঁচতীয়া ধন, আ-অলংকাৰ 

সাৱধান হওক! ৰাজ্যত এতিয়া প্ৰৱঞ্চকৰ লুটপাত। ঘৰত অকলে থকাৰ সুযোগ লৈ ঠগ- প্ৰবঞ্চকে চলাহী কথাৰে লুটি নিব পাৰে সাঁচতীয়া ধন অথবা আ অলংকাৰ । শেহতীয়াকৈ দুই প্ৰৱঞ্চকে ৰঙিয়াৰ এগৰাকী মহিলাৰ পৰা লুটি নিলে নগদ ধনৰ লগতে আ-অলংকাৰ। 

নিজৰ পৰিচয় লুকুৱাই অলিয়ে গলিয়ে বিভিন্ন বেশত ঘূৰি-ফুৰিছে সন্দেহজনক লোক। ঘৰত অকলে থকাৰ সুযোগ লৈ প্ৰবঞ্চকে চলাহি কথাৰে লুটি নিব পাৰে সাঁচতিয়া ধন অথবা আ অলংকাৰ । 

কেৱল বহিঃৰাজ্যৰে নহয় অসমৰো বিভিন্ন প্ৰান্তৰ পৰা আহি প্ৰৱঞ্চনা তথা লুটপাতত নামি পৰিছে একাংশ সন্দেহজনক লোক। শেহতীয়াকৈ ৰঙিয়াৰ পৰা আহিছে এনে এক প্ৰৱঞ্চনাৰ ঘটনা। প্ৰৱঞ্চনাৰ এনে ঘটনা পোহৰলৈ অহাৰ পাছতেই আতংকিত হৈছে সাধাৰণ লোক। 

ৰঙিয়াৰ দহৰাত সংঘটিত হৈছে এনে এক ভয়ংকৰ প্ৰৱঞ্চনাৰ ঘটনা।  ৰঙিয়াৰ দহৰাৰ এগৰাকী মহিলাক প্ৰৱঞ্চনা কৰি দুই প্ৰৱঞ্চকে লুটি নিছিল নগদ ধনৰ লগতে ২ লাখ টকাৰ সোণৰ গহণা। লংকাৰ জাহান আলী আৰু মোজামিল আলী নামৰ দুই প্ৰৱঞ্চকে নিজৰ নাম সলনি কৰি ৰঙিয়াৰ এগৰাকী সন্তানহীনা মহিলাৰ পৰা প্ৰৱঞ্চনাৰে লুটি নিছিল টকাৰ সোণৰ অলংকাৰ খিনি। তাৰ পাছতেই কিন্তু আৰক্ষীৰ জালত পৰিছে দুই প্ৰৱঞ্চক জাহান আলী আৰু মোজামিল আলী। দুই প্ৰৱঞ্চক আৰক্ষীৰ জালত পৰাৰ পাছতেই স্পষ্ট হৈছে বহু কথা ।

 এনে সন্দেহজনক লোকৰ ওপৰত তীক্ষ্ণ দৃষ্টি ৰাখি প্ৰৱঞ্চক সকলৰ বিৰুদ্ধে কঠোৰ ব্যৱস্থা লবলৈ আৰক্ষীক আহ্বান জনাইছে ৰঙিয়াৰ বিভিন্ন দল সংগঠনে।

জানিব পৰা মতে ঠাই বিশেষে বেলেগ বেলেগ বেশ ধাৰণ কৰে এই প্ৰৱঞ্চকৰ দলটোৱে। কৰবাত যদি এই প্ৰৱঞ্চক সকলে সাধুৰ বেশ ধাৰণ কৰে আন কৰবাত আকৌ জৰা ফুকা কৰি মানুহক বিপথে পৰিচালিত কৰি লুটপাত আৰম্ভ কৰিছে। গতিকে এই প্ৰৱঞ্চকৰ দলটোৰ পৰা সকলোৱে সাৱধান হওক।