Assameseদ্বীপৰাষ্ট্রত ঘূৰ্ণিবতাহ তাণ্ডৱত ৪৪ হাজাৰ লোক ক্ষতিগ্ৰস্ত, ৬৯ জনৰ কৰুণ মৃত্যুশ্ৰীলংকাত চাইক্লো’ন ডিটৱাহৰ কালৰূপ। চাইক্লো’ন ডিটৱাহৰ ফলত শ্ৰীলংকাত বিপৰ্যয়। ভয়ংকৰ বানত বুৰিছে টোৰ পাছত সিটো অঞ্চল। চাইক্লো’ন ডিটৱাহৰ বিপৰ্যয়ত এতিয়ালৈকে ৬৯ জন লোকৰ মৃত্যু। Mrinmoy Talukdar Nov 29, 2025 13:25 ISTFilephotoদ্বীপৰাষ্ট্রত ঘূৰ্ণিবতাহ তাণ্ডৱ৪৪ হাজাৰ লোক ক্ষতিগ্ৰস্ত, ৬৯ জনৰ কৰুণ মৃত্যুAdvertismentশ্ৰীলংকাত চাইক্লো’ন ডিটৱাহৰ কালৰূপ। চাইক্লো’ন ডিটৱাহৰ ফলত শ্ৰীলংকাত বিপৰ্যয়। ভয়ংকৰ বানত বুৰিছে টোৰ পাছত সিটো অঞ্চল। চাইক্লো’ন ডিটৱাহৰ বিপৰ্যয়ত এতিয়ালৈকে ৬৯ জন লোকৰ মৃত্যু। শ্রীলংকাত ঘূৰ্ণিবতাহ ডিটৱাহৰ তাণ্ডৱ অব্যাহত আছে। প্ৰচণ্ড ধুমুহা আৰু প্ৰচুৰ বৰষুণত তচনচ দ্বীপৰাষ্ট্র শ্রীলংকা। চাইক্লো’ন ডিটৱাহৰ বিপৰ্যয়ত শ্ৰীলংকাত এতিয়ালৈকে ৬৯ জন লোকৰ কৰুণ মৃত্যু। দ্বীপৰাষ্ট্রখনৰ কেইবাটাও প্ৰান্তত এই পৰ্যন্ত সন্ধানহীন হৈ আছে প্ৰায় ৩৪ জন লোক। উল্লেখ্য যে শুকুৰবাৰে পুৱাৰে পৰা চাইক্লো’ন ডিটৱাহে তাণ্ডৱ চলায় শ্ৰীলংকাত । চাইক্লোন ডিটৱাহৰ তাণ্ডৱৰ ফলত শ্ৰীলংকাৰ ঠায়ে ঠায়ে ৩০০ মিলিমিটাৰলৈকে হৈছে বৰষুণ। ধুমুহা বৰষুণৰ মাজতে ঠায়ে ঠায়ে নমা ধলত ধ্বংস হৈছে বহু মানুহৰ ঘৰ-দুৱাৰ। আটাইতকৈ বেছি পৰিমানে ক্ষতিগ্ৰস্ত হৈছে দেশখনৰ পূব আৰু মধ্য অঞ্চল। আগন্তুক ১২ ঘন্টালৈ শ্ৰীলংকাত চাইক্লো’ন ডিটৱাহৰ ফলত ধুমুহা বৰষুণৰ আশংকা জাৰি কৰিছে দেশখনৰ বতৰ বিজ্ঞান বিভাগে। চাইক্লো’ন ডিটৱাহৰ বাবে শ্ৰীলংকাত স্কুল, কলেজ, বিশ্ববিদ্যালয় সকলো বন্ধ ঘোষণা কৰিছে প্ৰশাসনে। বিপর্যয় মোকাবিলা কৰিবলৈ দেশখনৰ দুৰ্যোগ প্ৰশমন বিভাগে চলাইছে যুদ্ধকালীন তৎপৰতা। চাইক্লো’ন ডিটৱাহৰ বিপৰ্যয়ত দ্বীপৰাষ্ট্র খনৰ প্ৰায় ৪৪ হাজাৰ লোক ক্ষতিগ্ৰস্ত হৈছে। আনহাতে চাইক্লোন ডিটৱাহৰ বাবে বহু দেশৰ পৰ্যটক আবদ্ধ হৈ পৰিছে দ্বীপৰাষ্ট্র শ্ৰীলংকাত। শ্রীলঙ্কাৰ পৰা বহু আন্তর্জাতিক বিমানৰ উৰণো ইতিমধ্যে বাতিল কৰা হৈছে। চাইক্লো’ন ডিটৱাহে তাণ্ডৱ চলোৱা শ্রীলঙ্কালৈ ভাৰতৰ সহায়। ভাৰত পৰা শ্ৰীলংকালৈ প্ৰেৰণ কৰা হৈছে সাহায্য সামগ্ৰী। অপাৰেশ্যন সাগৰ বন্ধুৰ দ্বাৰা ভাৰতৰ দ্বীপৰাষ্ট্ৰখনলৈ সহায়ৰ হাত। প্ৰধানমন্ত্ৰী নৰেন্দ্ৰ মোদীয়ে শুকুৰবাৰে শ্ৰীলংকা বাসীলৈ জনাইছিল সমবেদনা। চাইক্লো’ন ডিটৱাহত হতাহতসকলৰ পৰিয়ালৰ দুখৰ সমভাগী হৈছিল মোদী। ইতিমধ্যে ভাৰতীয় বায়ুসেনাৰ দল গৈ উপস্থিত হৈছে শ্ৰীলংকাত। বুজন পৰিমাণৰ খাদ্য সমাগ্ৰীৰ লগতে ঔষধ পাতি নিছে ভাৰতীয় বায়ুসেনাৰ দলটোৱে।AdvertismentAdvertisment Read the Next Article