মধ্য অসমত পুৱাই আৰম্ভ হ’ল সৰ্ববৃহত্‍ উচ্ছেদ অভিযান

মধ্য অসমত পুৱাই আৰম্ভ হ’ল সৰ্ববৃহত্‍ উচ্ছেদ অভিযান

মধ্য অসমত পুৱাই আৰম্ভ হ’ল সৰ্ববৃহত্‍ উচ্ছেদ অভিযান। বুলড’জাৰেৰে এফালৰ পৰা ভাঙি দিয়া হ’ল বেদখলকাৰীৰ ঘৰ। ঘৰ ভঙাৰ পাছতেই উচ্ছেদিতৰ মাজত হাহাকাৰ।

চৰকাৰী ভূমি দখল কৰা বেদখলকাৰীৰ নিস্তাৰ নাই। আজি মধ্য অসমত চলিল প্ৰশাসনৰ উচ্ছেদ অভিযান। আজি বেদখলমুক্ত কৰা হ’ব ৭৯৫ হেক্টৰ ভূমি। কোনো অপ্ৰীতিকৰ পৰিৱেশৰ যাতে সৃষ্টি নহয় তাৰ বাবে সাজু আৰক্ষী-প্ৰশাসনৰ বৃহৎ দল।

বনাঞ্চল ধ্বংস কৰি ঘৰ নিৰ্মাণ কৰা অবৈধ বেদখলকাৰীৰ বিৰুদ্ধে এক্সন মুডত নগাঁৱ জিলাৰ কামপুৰ বন বিভাগ। বনাঞ্চল ধ্বংস কৰি ঘৰ সজা লোকৰ ঘৰত চলিল প্ৰশাসনৰ বুলড’জাৰ। আনহাতে আজি হাজোৰ ৰাক্ষসিনী পাহাৰতো প্ৰশাসনে চলালে উচ্ছেদ অভিযান।

উজনিৰ পৰা নামনিলৈ কোনোপধ্যে নিস্তাৰ নাই চৰকাৰী মাটি দখল কৰি থকা বেদখলকাৰীৰ। দয়া নাই ক্ষমা নাই নীতিৰে আজি মধ্য অসমত চলিছে চৰকাৰৰ বৃহৎ উচ্ছেদ অভিযান। কামপুৰৰ লুটুমাৰী বনাঞ্চলত আজি চলিল প্ৰশাসনৰ বুলড’জাৰ।উচ্ছেদৰ সময়ত কোনো অপ্ৰীতিকৰ পৰিৱেশৰ যাতে সৃষ্টি নহয় তাৰ বাবে সষ্টম হৈ আছে আৰক্ষী-প্ৰশাসনৰ লোক। লুটুমাৰী বনাঞ্চলৰ ৭৯৫ হেক্টৰ ভূমি বেদখলমুক্ত কৰাৰ লক্ষ্য প্ৰশাসনৰ। বুলড’জাৰেৰে আজি ভাঙি দিয়া হ’ব ২০৭০টা কেঁচাঘৰ, ১৯২টা পকীঘৰ। উল্লেখ্য যে বনাঞ্চলৰ গছ-গছনি তহিলং কৰি একাংশই অবৈধভাৱে নিৰ্মাণ কৰিছিল ঘৰ। তাৰ পাছতেই প্ৰশাসনে  অবৈধ বেদখলকাৰীক জাৰি কৰিছিল জাননী। ইতিমধ্যে প্ৰশাসনৰ জাননী পাই বয়-বস্তু বান্ধি বনাঞ্চল এৰিছে  অবৈধভাৱে বসবাস কৰা ১১০০ টাকৈ পৰিয়ালে। ইফালে শুকুৰবাৰে প্ৰশাসনে মাইকযোগে কৰা ঘোষণাৰ পিছতে হাহাকাৰ লাগিছে বেদখলকাৰীৰ মাজত। ‘আমি এতিয়া ক’লৈ যাম, কি কৰিম’ এইধৰণে প্ৰশাসনক প্ৰশ্ন কৰি বনাঞ্চল এৰি যাবলৈ অনিচ্ছুক একাংশ লোক। 

মধ্য অসমত পুৱাৰে পৰা চলিছে সৰ্ববৃহত্‍ উচ্ছেদ অভিযান। নগাঁৱৰ কামপুৰৰ লুটুমাৰীত চলিল প্ৰশাসনৰ বুলড’জাৰ। বুলড’জাৰেৰে এফালৰ পৰা ভাঙি দিয়া হ’ল বেদখলকাৰীৰ ঘৰ। উল্লেখ্য যে জাননী জাৰি কৰাৰ পিছতো বহু পৰিয়ালে ত্যাগ কৰা নাছিল বেদখলকৃত ভূমি। কামপুৰৰ লুটুমাৰীত পুৱাৰে পৰা অৰ্ধ শতাধিক ডাম্পাৰ আৰু এক্সকেভেট’ৰ লৈ চলাইছে উচ্ছেদ
 অভিযান। লুটুমাৰী বনাঞ্চলৰ ৭৯৫ হেক্টৰ ভূমিত চলিছে এই বৃহৎ উচ্ছেদ অভিযান। 

আনহাতে উচ্ছেদৰ পূৰ্বে বেদখলকাৰীক আহ্বান নগাঁৱৰ জিলা আয়ুক্ত দেৱাশীষ শৰ্মাৰ। বেদখলকাৰীক জিলা আয়ুক্তই ক'লে আমি আপোনালোকৰ ঘৰ ভাঙি দিব বিচৰা নাই। আপোনালোকে নিজে নিজে আঁতৰি যাওক বেদখলকৃত চৰকাৰী ভূমিৰ পৰা।