সুখবৰ, নলবাৰীৰ পৰা গুৱাহাটীলৈ মুকলি হ'ল গ্ৰীণ বাছ সেৱা

বৃহস্পতিবাৰে শুভাৰম্ভ কৰা হয় নলবাৰীৰ পৰা গুৱাহাটীলৈ আৰু গুৱাহাটীৰ পৰা নলবাৰীলৈ দুখনকৈ গ্ৰীণ বাছ সেৱাৰ।

অসম ৰাজ্যিক পৰিবহন নিগম কাৰ্যালয় চৌহদত এই গ্ৰীণ বাছ সেৱা মুকলি কৰে বিটিচি চীফ হাগ্ৰামা মহিলাৰীয়ে।

গ্ৰীণ বাছ সেৱা উদ্বোধনী অনুষ্ঠানত বিটিচি প্ৰধান হাগ্ৰামা মহিলাৰী, কেবিনেট মন্ত্ৰী জয়ন্ত মল্ল বৰুৱা, চৰণ বড়ো, জিলা আয়ুক্ত নিবেদন দাস পাটোৱাৰী, অসম ৰাজ্যিক পৰিবহন নিগমৰ শীৰ্ষ বিষয়াকে ধৰি ভালেকেইগৰাকী বিশিষ্ট ব্যক্তি উপস্থিত থাকে।

গ্ৰীণ বাছ সেৱা মুকলিৰ পিছতে দুটা চাৰ্জিং পইন্টো উদ্বোধন কৰে বিটিচি চীফ হাগ্ৰামা মহিলাৰীয়ে।