ৰাজ্যৰ মৰ্যাদা আৰু ষষ্ঠ অনুসূচীৰ দাবীত লাডাখত তীব্ৰ প্ৰতিবাদ

গুৱাহাটী: লাডাখত ৰাজ্যৰ মৰ্যাদা আৰু সংবিধানৰ ষষ্ঠ অনুসূচীৰ অন্তৰ্ভুক্তিৰ দাবীত চলা প্ৰতিবাদে হিংসাত্মক ৰূপ লৈছে, যাৰ ফলত কেইবাজনো লোকৰ মৃত্যু হোৱাৰ লগতে বহু লোক আহত হৈছে। পৰিস্থিতি নিয়ন্ত্ৰণলৈ আনিবলৈ প্ৰশাসনে অঞ্চলটোত সান্ধ্য আইন জাৰি কৰিবলৈ বাধ্য হৈছে।

এই হিংসাত্মক পৰিস্থিতিৰ বাবে পৰিৱেশবিদছ’নামৱাংচুককে ধৰি একাংশ প্ৰতিবাদকাৰী আৰু কেন্দ্ৰীয় চৰকাৰৰ মাজত চলি থকা আলোচনা ব্যৰ্থ হোৱাৰ বাবেই এই পৰিস্থিতিৰ সৃষ্টি হৈছে বুলি অভিযোগ উঠিছে।

চৰকাৰৰ মতে, প্ৰতিবাদকাৰীসকলে কেইবাখনো চৰকাৰী কাৰ্যালয়ত আক্ৰমণ চলায়, বিজেপি কাৰ্যালয় জ্বলাই দিয়ে আৰু পুলিচৰ গাড়ীত জুই লগায়। এই পৰিস্থিতিৰ ফলত আৰক্ষীয়ে প্ৰতিবাদকাৰীসকলক দমন কৰিবলৈ টিয়াৰ গেছ আৰু লাঠি চাৰ্জকৰিবলগীয়াহয়, যাৰ ফলত কেইবাজনো লোক নিহত হয়। ইফালে,ছ'নামৱাংচুকে এই হিংসাৰ পাছত নিজৰ অনশনৰ কাৰ্যসূচী বাতিল কৰে আৰু যুৱকসকলক শান্তিপূৰ্ণভাৱে প্ৰতিবাদ কৰিবলৈ আহ্বান জনায়। তেওঁৰ মতে, এই হিংসাত্মক পৰিৱেশে তেওঁলোকৰ সংগ্ৰামক ক্ষতিগ্ৰস্ত কৰিব।

লাডাখৰ ৰাইজে ২০১৯ চনত জম্মু-কাশ্মীৰৰ পৰা পৃথক হোৱাৰ পিছত কেন্দ্ৰীয়শাসিত অঞ্চলৰ মৰ্যাদা লাভ কৰিছিল। আৰম্ভণিতে এই সিদ্ধান্তক আদৰণি জনোৱা হৈছিল যদিও পিছলৈ স্থানীয় লোকে অনুভৱ কৰে যে এই মৰ্যাদাই তেওঁলোকৰ সাংস্কৃতিক পৰিচয়, ভূমিৰ অধিকাৰ আৰু চাকৰিৰ সুৰক্ষাৰ ক্ষেত্ৰত কোনো বিশেষ সুবিধা প্ৰদান কৰা নাই। এই ক্ষেত্ৰত, সংবিধানৰ ষষ্ঠ অনুসূচীৰ অন্তৰ্ভুক্তিয়েজনজাতীয় অঞ্চলসমূহক সুৰক্ষাৰ ব্যৱস্থা কৰে আৰু ইয়াৰ ফলত স্থানীয় লোকৰ অধিকাৰসমূহ সুৰক্ষিত হ'ব বুলি তেওঁলোকে আশা কৰিছে।

লেহ আৰু কাৰ্গিলত বৰ্তমান সান্ধ্য আইন অব্যাহত আছে আৰু মোবাইল ইণ্টাৰনেট সেৱা স্থগিত ৰখা হৈছে। যোৱা কেইদিনমানৰ পৰা কোনো ধৰণৰ হিংসাত্মক ঘটনা সংঘটিত হোৱা নাই আৰু পৰিস্থিতি শান্ত হৈ আছে। কিন্তু প্ৰতিবাদকাৰী আৰু চৰকাৰৰ মাজৰ তীব্ৰ উত্তেজনা অব্যাহত আছে।

পৰিবেশবিদসোণমৱাংচুকক বিগত সপ্তাহত ৰাষ্ট্ৰীয় নিৰাপত্তা আইন (National Security Act - NSA)ৰ অধীনত গ্ৰেপ্তাৰ কৰি ৰাজস্থানৰ যোধপুৰ জেললৈ লৈ যোৱা হয়। তেওঁক গ্ৰেপ্তাৰ কৰা ঘটনাত জনসাধাৰণ আৰু বিভিন্ন সংগঠনে তীব্ৰ প্ৰতিক্ৰিয়া প্ৰকাশ কৰিছে। তেওঁলোকে অভিযোগ কৰিছে যে চৰকাৰে শান্তিপূৰ্ণ প্ৰতিবাদক হিংসাত্মক আখ্যা দি তেওঁক গ্ৰেপ্তাৰ কৰিছে। ইফালে, চৰকাৰে দাবী কৰিছে যে ৱাংচুকৰ "উত্তেজনাপূৰ্ণ" মন্তব্যৰ বাবেই প্ৰতিবাদে হিংসাত্মক ৰূপ লৈছিল।লাডাখক ৰাজ্যৰ মৰ্যাদা আৰু সংবিধানৰ ষষ্ঠ অনুসূচীৰ অন্তৰ্ভুক্তিৰ দাবীত চলা এই আন্দোলনে ইয়াৰ পৰৱৰ্তী পদক্ষেপ কি হ'ব সেই সন্দৰ্ভত এক অনিশ্চয়তাৰ সৃষ্টি কৰিছে।

লাডাখ আন্দোলনৰ মূল দাবীসমূহ: লাডাখত যি প্ৰতিবাদ চলি আছে, তাৰ মূল দাবী হৈছে লাডাখক পূৰ্ণ ৰাজ্যৰ মৰ্যাদা প্ৰদান কৰা আৰু ভাৰতীয় সংবিধানৰ ষষ্ঠ অনুসূচীৰ অন্তৰ্গত কৰা। এই দুয়োটা দাবীৰ আঁৰত বহু কাৰণ নিহিত হৈ আছে:

ৰাজ্যৰ মৰ্যাদা: ২০১৯ চনত জম্মু-কাশ্মীৰৰ পৰা পৃথক হোৱাৰ পিছত লাডাখক কেন্দ্ৰীয়শাসিত অঞ্চল হিচাপে ঘোষণা কৰা হৈছিল। আৰম্ভণিতে এই সিদ্ধান্তক সমৰ্থন জনোৱা হৈছিল যদিও পিছলৈ স্থানীয় জনসাধাৰণে অনুভৱ কৰে যে কেন্দ্ৰীয় চৰকাৰৰ নিয়ন্ত্ৰণৰ অধীনত তেওঁলোকৰ আশা-আকাংক্ষা পূৰণ হোৱা নাই। ৰাজ্যৰ মৰ্যাদা পালে লাডাখৰ জনসাধাৰণে নিজৰ বাবে আইন প্ৰস্তুত কৰাৰ অধিকাৰ পাব আৰু এক নিৰ্বাচিত বিধানসভাৰ জৰিয়তে নিজৰ সমস্যাসমূহ সমাধান কৰিব পাৰিব।

সংবিধানৰ ষষ্ঠ অনুসূচীৰ অন্তৰ্ভুক্তি: এইটো আটাইতকৈ গুৰুত্বপূৰ্ণ দাবী। লাডাখৰ প্ৰায় ৯৭% লোক জনজাতি গোষ্ঠীৰ অন্তৰ্গত। সংবিধানৰ ষষ্ঠ অনুসূচীয়েজনজাতীয় অঞ্চলসমূহক তেওঁলোকৰ ভূমি, সংস্কৃতি, আৰু পৰিৱেশ সুৰক্ষিত কৰিবলৈ স্বায়ত্তশাসনৰ অধিকাৰ দিয়ে। লাডাখৰ জনসাধাৰণে ভয় কৰে যে কেন্দ্ৰীয়শাসিত অঞ্চল হোৱাৰ পিছত বাহিৰৰ লোকে ইয়াত ভূমি ক্ৰয় কৰিব পাৰিব, যাৰ ফলত তেওঁলোকৰ নিজৰ মাটি, পৰিচয় আৰু দুৰ্বল পৰিৱেশৰ ওপৰত বিৰূপ প্ৰভাৱ পৰিব। যদিহেলাডাখক ষষ্ঠ অনুসূচীত অন্তৰ্ভুক্ত কৰা হয়, তেন্তে ইয়াৰজনজাতীয় লোকসকলে নিজৰ অঞ্চলৰ বাবে ভূমি, বনাঞ্চল, জল ব্যৱস্থা আৰু সামাজিক ৰীতি-নীতিৰ ক্ষেত্ৰত নিজাকৈ আইন প্ৰস্তুত কৰিব পাৰিব।