বিদায় মহীৰূহ... প্ৰবীণ অভিনেতা ধৰ্মেন্দ্ৰ আৰু নাই

বলীউডৰ জনপ্ৰিয় অভিনেতা ধৰ্মেন্দ্ৰ আৰু নাই। ৮৯ বছৰ বয়সত ইহলীলা সম্বৰণ প্ৰবীণ অভিনেতাগৰাকীৰ।

মুম্বাইৰ নিজ বাসগৃহত শেষ নিশ্বাস ত্যাগ কৰে ধৰ্মেন্দ্ৰই। প্ৰবীণ অভিনেতা ধৰ্মেন্দ্ৰৰ মৃত্যুত বলীউড জগতত শোকৰ ছাঁ।

১৯৩৫ৰ ৮ ডিচেম্বৰত পঞ্জাৱৰ নাছৰালীত জন্ম হৈছিল ধৰ্মেন্দ্ৰৰ। ১৯৫৮ত ফিল্মফেয়াৰ টেলেণ্ট হাণ্টত বিজয়ী হৈ চলচ্চিত্ৰ জগতত প্ৰৱেশ। ১৯৬০ত 'দিল ভি তেৰা হম ভি তেৰে' ছবিৰে হিন্দী চিনেমাত আত্মপ্ৰকাশ।

He-Man of Bollywood নামেৰে পৰিচিত আছিল ধৰ্মেন্দ্ৰ। ৭০ৰ দশকত বলীউডত ছুপাৰষ্টাৰ হিচাপে প্ৰতিষ্ঠা লাভ কৰিছিল ধৰ্মেন্দ্ৰয়ে। ৬৫ বছৰীয়া কেৰিয়াৰত ৩০০তৈ অধিক ছবি অভিনয় ধৰ্মেন্দ্ৰৰ।

হিন্দী ছবি জগতত সৰ্বাধিক হিট ছবিৰ অভিলেখ আছে ধৰ্মেন্দ্ৰৰ নামতে। ২০০৪ত বিকানেৰৰ পৰা লোকসভালৈ নিৰ্বাচিত হৈছিল ধৰ্মেন্দ্ৰ। ২০১২ত পদ্মভূষণ সন্মানেৰে সন্মানিত হৈছিল প্ৰবীণ অভিনেতাগৰাকী।

১৯৫৪ত ১৯ বছৰ বয়সতে প্ৰকাশ কৌৰৰে প্ৰথম বিবাহ। ধৰ্মেন্দ্ৰ-প্ৰকাশৰ চাৰি সন্তান ছানি, ববী, বিজেতা আৰু অজিতা। ১৯৮০ত হেমা মালিনীৰে দ্বিতীয় বিবাহ ধৰ্মেন্দ্ৰৰ। ধৰ্মেন্দ্ৰ-হেমাৰ দুই কন্যা ঈশা দেউল আৰু আহানা দেউল।