"আজি পুৱাৰে পৰা আৰম্ভ হৈছে বড়োলেণ্ড টেৰিট"ৰিয়েল কাউন্সিল নিৰ্বাচনৰ ভোটগণনা। বিটিচিত বিজয়ধ্বজা উৰুৱাবলৈ সাজু হৈ আছে প্ৰতিটো দল। ৫ খনকৈ জিলাৰ ৪০ পৰিষদীয় সমষ্টিত চলি আছে ভোটগণনা। ৩১৬ গৰাকী প্ৰাৰ্থীৰ ভাগ্য বন্দী কৰিছিল BTRৰ ভোটাৰে। এইবাৰ বিটিচি নিৰ্বাচনত মুঠ ভোটদানৰ হাৰ আছিল ৭৮.৪২ শতাংশ। বাক্সাত ৭৬.৯২ %, চিৰাং ৮০.১১%, কোকৰাঝাৰ ৮২.২৭%,তামুলপুৰত ৭৫.০৯%, ওদালগুৰিত ৭৫.১৭ % হৈছিল ভোটদান। ওদালগুৰি জিলাৰ ১০ সমষ্টিৰ ১০টা কাউন্টিং হলত ভোটগণনা চলি আছে। ৯৪খন টেবুলত হৈ আছে ওদালগুৰিৰ ১০ সমষ্টিৰ ভোটগণনা।ওদালগুৰিৰ প্ৰতিটো সমষ্টিৰ ভোটগণনা হ"ব ১০ৰ পৰা ১২ ৰাউণ্ডত। Advertisment কাজলগাঁও আৰু বিজনীত ভোটগণনা হৈছে চিৰাং জিলাৰ ৭ সমষ্টিৰ । কাজলগাঁৱত কাজলগাঁও, চিৰাং দুৱাৰ আৰু চিৰাং পৰিষদীয় সমষ্টিৰ ভোটগণনা। বিজনীত মানস ছেৰফাং, নিচিমা, সোবাইঝাৰ, ঠুৰিবাৰী সমষ্টিৰ ভোটগণনা।তামুলপুৰ জিলাত দৰঙাজুলি, নাগ্ৰীজুলি, ছুক্লাই ছেৰফাং, গোৰেশ্বৰ সমষ্টিৰ ভোটগণনা চলি আছে। তামুলপুৰত ২৮ টেবুলত ৭ ৰাউণ্ডত হৈ আছে ভোটগণনা। কোকৰাঝাৰ জিলাৰ ১২ পৰিষদ সমষ্টিৰ ৩ স্থানত হৈ আছে ভোটগণনা। পৰ্বতঝোৰা মহকুমাতো চলি আছে পৰ্বতঝোৰা পৰিষদীয় সমষ্টিৰ ভোটগণনা। গোসাঁইগাঁৱত শ্ৰীৰামপুৰ, গুমা, যমদুৱাৰ, চৰাইবিল, কচুগাঁও সমষ্টিৰ ভোটগণনা। কোকৰাঝাৰত দোতমা, ফকিৰাগ্ৰাম, বনৰগাঁও, দেবৰগাঁও, বাওখুংগ্ৰী, চালাকাটিৰ ভোটগণনা। এইপৰ্যন্ত চলা BTRৰ ভোটগণনাত আগবাঢ়ি আছে হাগ্ৰামা মহিলাৰীৰ BPF। ৩২টা সমষ্টিৰ ১৮টাত BPF, UPPL ১০ খন আসনত আৰু বিজেপি মাত্ৰ ৬ আসনত অগ্ৰগতি লাভ কৰিছে। UPPL আৰু BJPৰ স্থিতি অধিকাংশ সমষ্টিতে দুৰ্বল বৰ্তমানলৈকে। ইয়াৰ লগে লগেই উত্থাপন হৈছে এটা প্ৰশ্ন BTRত আসনৰ সংখ্যা কমিব নেকি এইবাৰ ভাৰতীয় জনতা পাৰ্টীৰ? কিয়নো এই পৰ্যন্ত কেৱল ৬টা পৰিষদীয় সমষ্টিতহে অগ্ৰগতি লাভ কৰিছে বিজেপিয়ে।২০২০ৰ নিৰ্বাচনত ৯টা সমষ্টি দখল কৰিছিল দলটোৱে। "
/dy365live/media/agency_attachments/2025/08/12/2025-08-12t063302196z-640x480_pix-final-disha-jaiswal-2025-08-12-12-03-02.png)