চিএম ভিজিলেন্সে মঙলবাৰে পুনৰ গ্ৰেপ্তাৰ কৰে নিলম্বিত এচিএছ বিষয়া নূপুৰ বৰাক। গুৱাহাটীৰ মালিগাঁৱৰ নিজা বাসগৃহৰ পৰা দুৰ্নীতিৰ অভিযোগত গ্ৰেপ্তাৰ কৰে বিষয়াগৰাকীক। ইয়াৰ পূৰ্বে ভূমি জালিয়াতি গোচৰত অভিযুক্ত আছিল নূপুৰ বৰা। 

জনজাতিকৰণ আৰু পৃথক কমতাপুৰ ৰাজ্য গঠনৰ দাবীত পুনৰ গৰজি উঠিল কমতাপুৰ ষ্টেট ডিমাণ্ড কাউঞ্চিল(KSDC)। ১৫ ফেব্ৰুৱাৰীত ৰে'ল পথ অৱৰোধ কাৰ্যসূচী ঘোষণা সংগঠনটোৰ। 

ৰাজ্যত অব্যাহত হাতী-মানুহৰ সংঘাত। বনৰীয়া হাতীৰ আক্ৰমণত পুনৰ প্ৰাণ গ'ল দুগৰাকীকৈ লোকৰ। বনৰীয়া হাতীৰ উপদ্ৰৱ ৰোধৰ বাবে স্থায়ী সামাধান বিচাৰিছে ৰাইজে। 

নিশা গুৱাহাটী মহানগৰীত ভয়ংকৰ দুৰ্ঘটনা। দুৰ্ঘটনাত থিতাতে নিহত এগৰাকী যুৱতী। মাৰুতি বাহনৰ ডিভাইদাৰত খুন্দা মৰাৰ ফলত সংঘটিত হয় দুৰ্ঘটনাটো। গুৱাহাটী উচ্চ ন্যায়ালয়ৰ মুখ্য ন্যায়াধীশৰ বাসগৃহৰ সন্মুখত সংঘটিত এই দুৰ্ঘটনা। 

মিঞা’ৰ বিৰুদ্ধে আন্দোলন আৰম্ভ উজনি অসমত। উজনি অসমৰ শিৱসাগৰত ‘মিঞা’ৰ বিৰুদ্ধে সৰৱ হৈ উঠিল অসমীয়া যুৱ মঞ্চ আৰু জাতীয় সংগ্ৰামী সেনা নামৰ দুটাকৈ জাতীয় সংগঠন।

সোমবাৰে চৰকাৰী চাকৰিয়ালৰ বাবে সুখবৰ দিলে মুখ্যমন্ত্ৰী হিমন্ত বিশ্ব শৰ্মাই। চৰকাৰী কৰ্মচাৰীয়ে এতিয়াৰে পৰা ল’ব পাৰিব Advance Salary। স্বাগত সতীৰ্থ প'ৰ্টেল ২.০ৰ জৰিয়তে পাৰস্পৰিক বুজাবুজিৰ জৰিয়তে বদলিৰ বাবে আবেদন কৰিব পাৰিব তৃতীয় আৰু চতুৰ্থ বৰ্গৰ কৰ্মচাৰীয়ে।

এতিয়াৰে পৰা ক’ৰ্ট মেৰেজ কৰিবলৈ আৰু যাব নালাগিব আদালতলৈ। ঘৰত বহি ম’বাইল এপ খুলি পাতিব পাৰিব বিয়া! চৰকাৰী অফিচত চলিব AI ব্যৱহাৰ কৰি কাম-কাজ। AIৰ যোগেদি পৰিচালিত হ'ব অসম চৰকাৰৰ বিভাগসমূহৰ কাম-কাজসমূহ।