বেনাৰ–পোষ্টাৰ ভণ্ড কবিৰাজে কৰিলে কাণ্ড। এখন হাতত মানুহৰ লাওখোলা, আনখন হাতত এপাত চেণ্ডেল লৈ ছালমান কবিৰাজে আৰম্ভ কৰিছে তন্ত্ৰ–মন্ত্ৰ। সকলোধৰণৰ সমস্যা ৭২ ঘণ্টাৰ ভিতৰত সমাধান হয় বুলিও দিলে গ্যেৰাণ্টী। 

গুৱাহাটী, ৩০ নৱেম্বৰঃ ছালমান কবিৰাজ চৰম কাণ্ড দেখি আচৰিত হ'ব আপুনি। অন্ধ বিশ্বাসৰ সীমা পাৰ কৰিলে ছালমান কবিৰাজে। বিজ্ঞান আৰু প্ৰযুক্তিৰ যুগত অন্ধবিশ্বাস আৰু কু-সংস্কাৰৰ চৰম সীমা পাৰ কৰিছে কবিৰাজ ছালমানে। ৰূপহীহাটৰ কাঞ্চনপুৰ বৰতলত চাঞ্চল্য। নিজকে কবিৰাজ বুলি চিনাকি দি একাংশ সহজ–সৰল লোকক দিনে–নিশাই ছালমানে অত্যাচাৰ চলাই অহাৰ অভিযোগ। চকীত বহাই লৈ এজন লোকক ছালমানে হাতত কাঠৰ টুকুৰা লৈ কৰিছে তন্ত্ৰ–মন্ত্ৰ। মাজে মাজে ছালমানে ভৰিৰ জোতা–চেণ্ডেলো মুখত ভৰাই দিয়ে ৰোগীজনৰ। এনে কাণ্ড কৰি থকাৰ মাজতে কবিৰাজ ছালমানে গাইছে মন্ত্ৰ, শুধিছে নাম। ভণ্ড কবিৰাজ ছালমানক তন্ত্ৰ–মন্ত্ৰত সহায় কৰিছে আনকেইজনমান লোকে। 

ALSO READ: ৬ জনগোষ্ঠীৰ জনজাতিকৰণৰ প্ৰতিবেদন দাখিল... কাক ST(P), ST(H), ST(V) দিয়াৰ প্ৰস্তাৱ?

গাঁৱৰ সহজ-সৰল লোকক জৰা ফুকাৰে চৰম চিকিৎসা ছালমান কবিৰাজৰ। শীতৰ আগমণৰ লগে লগেই পৰিভ্ৰমী চৰাই ধৰে নগাঁৱৰ ৰূপহীহাটৰ বিভিন্ন অঞ্চলত আবিৰ্ভাৱ ঘটে এনে কবিৰাজৰ লগতে ভণ্ড বাবাৰ। আধুনিক আৰু প্ৰযুক্তিবিদ্যাৰ গগণচুম্বী অগ্ৰগতিতো এইসকল নামধাৰী কবিৰাজে সহজ-সৰল লোকক চলাহী কথাৰে বুৰ্বক সজাই চলাই গৈছে নিজৰ ব্যৱসায়। কেৱল ইমানেই নহয়, নিজকে বিখ্যাত কবিৰাজ বুলি চিনাকি দি ৰূপহীহাৰ বিভিন্ন অঞ্চলত ছালমানে লগাইছে বেনাৰ–পোষ্টাৰ। উক্ত বেনাৰ–পোষ্টাৰত লিখিছে, ‘আমি বিখ্যাত যাদুকৰী মায়ঙৰ পৰা প্ৰশিক্ষিত। আন্তৰ্জাতিক খ্যাতিসম্পন্ন কবিৰাজ দেশ–বিদেশে প্ৰশংসিত। সকলো ধৰণৰ সমস্যা ৭২ ঘণ্টাৰ ভিতৰত সমাধান'। 

ALSO READ: নলবাৰীৰ চাঞ্চল্যকৰ হত্যাকাণ্ডৰ শেষৰজন অভিযুক্ত আৰক্ষীৰ জালত

ৰূপহীহাটৰ বিভিন্ন অঞ্চলত বেনাৰ লগাই ছালমানৰ ফটোসহ লিখি দিছে মোবাইল নম্বৰ। বজাৰে বজাৰে গৈ তন্ত্ৰ–মন্ত্ৰ কৰি মানুহক ভয় খুৱাই কৰি গৈছে তন্ত্ৰ–মন্ত্ৰ। মাত্ৰ ৭২ ঘণ্টাৰ ভিতৰতে সকলোধৰণৰ সমস্যা সমাধানৰ দাবী কৰি অন্ধ বিশ্বাস আৰু কু-সংস্কাৰেৰে বেজালিৰ নামত একাংশ লোকক হাৰাশাস্তি কৰি চিকিৎসা কৰা কবিৰাজৰ বিৰুদ্ধে গুৰুত্ব নাই প্ৰশাসনৰ। একাংশ স্থানীয় লোকৰ দাবী– বিজ্ঞান আৰু প্ৰযুক্তিৰ দিনত সাধাৰণ জনতাৰ মাজত কু-সংস্কাৰ বিয়পোৱা ভণ্ড কবিৰাজক শীঘ্ৰে আৰক্ষীয়ে গ্ৰেপ্তাৰ কৰক। নহ’লে অঞ্চলটোত ভয়ংকৰ ঘটনা সংঘটিত হোৱাৰ সম্ভাৱনা।