Assameseআদিবাসী যুৱকক জুবিনে দিলে 'গাৰ্গ' উপাধি। জুবিনক মুখাগ্নি কৰা কোন এই অৰুণ গাৰ্গ?জুবিন গাৰ্গৰ লগত থকা অৰুণ চাচনি কেনেকৈ হ'ল অৰুণ গাৰ্গ? কিমান মহান আছিল জুবিন গাৰ্গ? যি জুবিনে এজন আদিবাসী যুৱকক প্ৰদান কৰিলে নিজৰ উপাধি। এই কাহিনী অৰুণ গাৰ্গৰ। Naba Gogoi Sep 24, 2025 17:28 ISTঅৰুণ গাৰ্গ কোন? Photograph: (FILE)পঞ্চভূতত বিলীন জুবিন গাৰ্গ Source: FILE 1/8মাটিত বিলীন হৈ গ'ল হাৰ্টথ্ৰৱ জুবিন গাৰ্গ'যুগে যুগে প্ৰতি খোজে তোমাতেই মই হ’ম বিলীন...'। হিয়াৰ আমঠু জুবিন গাৰ্গ গুচি গ'ল। গৈ গৈ জুবিন গাৰ্গে ৰচি থৈ গ'ল ইতিহাস। কোটি কোটি অনুৰাগীয়ে অশ্ৰসিক্ত নয়নেৰে বিদায় দিলে প্ৰাণৰ জুবিনক। মঙলবাৰে সোণাপুৰৰ কুমাৰকুচিত সঁচাকৈ মাটিত বিলীন হৈ গ'ল হাৰ্টথ্ৰৱ জুবিন গাৰ্গ।ARUN GARG Source: FILE 2/8জুবিন গাৰ্গক মুখাগ্নি কৰা অৰুণ গাৰ্গ কোন?জুবিন গাৰ্গক মুখাগ্নি কৰিলে ৪জন ব্যক্তিয়ে। চাৰিগৰাকী ব্যক্তিৰ এগৰাকী এতিয়া বিশেষ চৰ্চাত। তেখেতৰ নাম অৰুণ গাৰ্গ। আচলতে অৰুণ গাৰ্গ কোন? কিয় অৰুণ গাৰ্গক লৈ সামাজিক মাধ্যমত চলিছে ব্যাপক চৰ্চা?ARUN GARG Source: FILE 3/8মানৱ দৰদী জুবিনে অৰুণক দান কৰিছিল এটি নতুন জীৱনঅৰুণ গাৰ্গৰ প্ৰকৃত নাম অৰুণ চাচনি। অৰুণ চৰাইদেউ জিলাৰ দৌলবাগান এজন আদিবাসী চাহ-জনগোষ্ঠীয় ল'ৰা। মঙলবাৰে জুবিন গাৰ্গৰ মুখাগ্নি কৰাসকলৰ ভিতৰত আছিল এইজন যুৱক৷ সেই ল'ৰাটিক মানৱ দৰদী জুবিন গাৰ্গে দান কৰিছিল এটি নতুন জীৱন, দান কৰিছিল জুবিনৰ উপাধিটোও৷ আদিবাসী চাহ জনগোষ্ঠীৰ অৰুণ চাচনী জুবিন গাৰ্গৰ লগত থকাৰ পিছতে হৈ পৰিল অৰুণ গাৰ্গ৷Advertismentগৰিমা গাৰ্গ আৰু অৰুণ Source: FILE 4/8চাহ-জনগোষ্ঠীৰ অৰুণক জুবিন গাৰ্গে প্ৰদান কৰিছিল 'গাৰ্গ' উপাধিসংগীতেৰে পৃথিৱী জয় কৰা জুবিন গাৰ্গ কি আছিল, সেয়া প্ৰত্যেকেই অনুধাৱন কৰিব পাৰিছে৷ জুবিন আছিল এগৰাকী প্ৰকৃত শিল্পী, যিয়ে মাটি আৰু মানুহৰ কথা কৈছিল, দহৰ কথা ভাবিছিল৷ খাঁটি খোৱা, দুখীয়া-নিছলা সকলোৰে কথা চিন্তা কৰিছিল প্ৰাণৰ আপোন জুবিনে৷ সেই জুবিনেই এদিন অৰুণ চাচনি ওৰফে অৰুণ গাৰ্গক লৈ আহিছিল গুৱাহাটীলৈ৷ তেতিয়াৰে পৰা জুবিন গাৰ্গৰ পৰিয়ালৰ এজন সদস্য হৈ পৰিছিল অৰুণ৷ আচলতে জুবিনে অৰুণক কিমান মৰম কৰিছিল সেই 'গাৰ্গ' উপাধিটো উপহাৰ হিচাপে প্ৰদান কৰোঁতেই এই কথা পৰিস্ফুট হৈ পৰিছে।অন্তিম শয়নত জুবিন গাৰ্গ Source: FILE 5/8অন্তিম শয়নত থকা জুবিনৰ কফিনটো পৰিষ্কাৰ-পৰিচ্ছন্নকৈ ৰাখিছিল অৰুণেসৰুসজাইত যেতিয়া জুবিন গাৰ্গৰ নশ্বৰদেহ ৰখা হৈছিল, লাখ লাখ অনুৰাগীয়ে যেতিয়া জুবিন গাৰ্গক শেষ শ্ৰদ্ধাঞ্জলি জনাবলৈ আহিছিল তেতিয়া অৰুণ গাৰ্গে ভোকে-পিয়াহে, দিনে-নিশাই কেৱল জুবিনৰ নশ্বৰদেহৰ কাষতে থিয় হৈ আছিল। অন্তিম শয়নত থকা জুবিন গাৰ্গৰ গ্লাচৰ কফিনটো দিন-ৰাতি প্ৰতিটো ক্ষণতে পৰিষ্কাৰ-পৰিচ্ছন্নকৈ ৰাখিছিল অৰুণে। অৰুণক নতুন জীৱন দিয়া জ্যেষ্ঠ ভাতৃ হিয়াৰ আমঠু জুবিন গাৰ্গক হেৰুৱাই বাকৰুদ্ধ হৈ পৰিছিল আদিবাসী যুৱক অৰুণ চাচনি ওৰফে অৰুণ গাৰ্গ।জুবিন বুলি ক'লে পাগল অৰুণ Source: FILE 6/8শৈশৱত অৰুণৰ প্ৰতিখন কিতাপৰ বেতুপাটত জুবিন গাৰ্গৰ ছবিঅৰুণ সৰুৰে পৰা জুবিন গাৰ্গৰ বাবে মত্ত আছিল। জুবিন বুলি ক'লেই অৰুণ জপিয়াই উঠিছিল, গাইছিল গান, অনুকৰণ কৰিছিল প্ৰয়াত শিল্পী জুবিন গাৰ্গক। যদিও জুবিনৰ বাবে অসমৰ কোটি কোটি অনুৰাগী আছে তথাপি অৰুণৰ বাবে জুবিন কি সেয়া হয়তো আন কোনোৱে উপলব্ধি কৰিব নোৱাৰিব। যাৰ বাবে শৈশৱত অৰুণে নিজৰ প্ৰতিখন কিতাপৰ বেতুপাটত জুবিন গাৰ্গৰ ছবি অংকণ কৰি লৈছিল।জুবিনৰ অন্তিম ঠিকনা Source: FILE 7/8অৰুণ গাৰ্গক লৈ গৌৰৱান্বিত আদিবাসী চাহ-জনগোষ্ঠী লোকজুবিন গাৰ্গক মুখাগ্নি কৰা এই অৰুণ গাৰ্গৰ কাহিনী এতিয়া সকলোৰে মুখে মুখে। চৰাইদেউৰ এই অৰুণ গাৰ্গে দেৱতা সদৃশ জুবিন গাৰ্গক মুখাগ্নি কৰিবলৈ পোৱাত একপ্ৰকাৰ গৌৰৱান্বিত হৈ পৰিছে আদিবাসী চাহ-জনগোষ্ঠীয় লোক।জুবিন গাৰ্গ ভগ্নী পামী বৰঠাকুৰ Source: FILE 8/8অৰুণ গাৰ্গৰ লগতে আৰু কোনে কোনে জুবিনক মুখাগ্নি কৰিছিল?জুবিন গাৰ্গক মুঠ চাৰিগৰাকী লোকে মুখাগ্নি কৰিছিল। অৰুণ গাৰ্গৰ লগতে আন ৩গৰাকী লোক ক্ৰমে- ১. ভনীয়েক পামী বৰঠাকুৰ। ২. ভায়েক ঋতু প্ৰয়াগ গাৰ্গ (খুৰাকৰ পুত্ৰ)। ৩. ৰাহুল গৌতম শৰ্মা। Zubeen GargAdvertismentAdvertisment Read the Next Article
/dy365live/media/agency_attachments/2025/08/12/2025-08-12t063302196z-640x480_pix-final-disha-jaiswal-2025-08-12-12-03-02.png)