Assameseবিশ্ব বিজয়ী জুবিন। কি নাম দিম তোমাৰ জীনৱীক?মৃত্যুও এটা শিল্প। জুবিন আৰু নাই। জুবিনৰ মৃত্যুও যেন এক শিল্প। জুবিনৰ উভতি নহাৰ বাটেৰে গুচি গ'ল মৰমৰ জুবিন। জুবিনলৈ শ্ৰদ্ধাঞ্জলি জনাই জুবিনৰ জীনৱীৰ কিছু আলোকপাত। Naba Gogoi Sep 20, 2025 17:00 ISTfile 1/11কি নাম দিম জুবিনৰ জীনৱীক?জুবিন এটা সত্ত্বা। জুবিন এক আৱেগ, জুবিন অসমীয়াৰ সকলো। জুবিনৰ সংগীত যাত্ৰা আৰু জুবিনৰ জীৱনী আমি জানেনে? জুবিন গাৰ্গৰ আত্মাস্পৰ্শী সুৰ আৰু বহুমুখী শিল্পকলাই অসম তথা দেশৰ প্ৰজন্মৰ পিছত প্ৰজন্মৰ হৃদয় স্পৰ্শ কৰি যাব। গান আৰু কণ্ঠই কোটি কোটি অনুৰাগীক মোহিত কৰা উত্তৰ-পূব ভাৰতৰ আইকন জুবিন গাৰ্গ কেৱল এজন গায়কেই নাছিল। জুবিন আছিল অসমৰ সকলো। জুবিনৰ মৃত্যুৰ খবৰে অসমৰ কোটি কোটি অনুৰাগীক ব্যথিত কৰি তুলিছে। সেইগৰাকী কিংবদন্তি জুবিন গাৰ্গৰ জীৱনীৰ কিছু আলোকপাত।file 2/11শিল্পী জুবিন গাৰ্গৰ জন্ম হৈছিল মেঘালয়ৰ তুৰাত (তেতিয়াৰ অসম) ৷১৯৭২ চনৰ ১৮ নৱেম্বৰত মেঘালয়ৰ তুৰাত জন্মগ্ৰহণ কৰিছিল জুবিনে। জীৱন বৰঠাকুৰ নামৰ পিছত জুবিন গাৰ্গ ৰূপে পৰিচিত শিল্পীগৰাকী। তেওঁৰ পিতৃ মোহিনী মোহন বৰঠাকুৰ ছদ্মনাম কপিল ঠাকুৰ এগৰাকী গীতিকাৰ আৰু কবি। আনহাতে মাতৃ ইলী বৰঠাকুৰ এগৰাকী নৃত্যশিল্পী, অভিনেত্ৰী আৰু গায়িকা আছিল। ঘৰৰ পৰাই জুবিন গাৰ্গে লাভ কৰিছিল এক সাংস্কৃতিক পৰিৱেশ। এই সাধনা আৰু পৰিৱেশে জুবিন গাৰ্গক কলাত্মক যাত্ৰাক গভীৰভাৱে প্ৰভাৱিত কৰিছিল।file 3/11ভাৰতৰ কিংবদন্তি সুৰকাৰ জুবিন মেহতাৰ নামেৰে জুবিন গাৰ্গৰ নামকৰণ কৰা হৈছিল।দেশৰ এগৰাকী কিংবদন্তি সুৰকাৰ জুবিন মেহতাৰ নামেৰে নামাকৰণ কৰা হৈছিল জীৱন বৰঠাকুৰৰ নাম। প্ৰতিভাশালী জুবিনে সৰুৰে পৰাই অসাধাৰণ প্ৰতিভা প্ৰদৰ্শন কৰিছিল। তামুলপুৰ উচ্চতৰ মাধ্যমিক বিদ্যালয়ৰ পৰা মেট্ৰিক পৰীক্ষা উত্তীৰ্ণ হৈ গুৱাহাটীৰ বি বৰুৱা মহাবিদ্যালয়ত বিজ্ঞান শাখাত স্নাতক কাৰ্যসূচীত নামভৰ্তি কৰে। কিন্তু সংগীতৰ প্ৰতি তেখেতৰ প্ৰবল হেঁপাহ, আৰু প্ৰতিভাই জুবিনক গায়ক বা সংগীতজ্ঞ ৰূপে প্ৰতিষ্ঠিত কৰিছিল। যিগৰাকীৰ গানে প্ৰাণ প্ৰতিষ্ঠা কৰে কোটি কোটি অসমীয়াৰ।Advertismentfile Source: File Image 4/11প্ৰাণৰ জুবিনৰ প্ৰথম এলবাম ৰেকৰ্ডিং কি আছিল?১৯৯২ চনত জুবিন গাৰ্গৰ সংগীতৰ পেছাদাৰী যাত্ৰা আৰম্ভণি হৈছিল। জুবিনৰ প্ৰথম এলবাম 'অনামিকা'ৰ জৰিয়তে জুবিনে আৰম্ভ কৰিছিল এই যাত্ৰা। যিটোৱে ৰাজ্যজুৰি তৎক্ষণাত সফলতাৰ শীৰ্ষত আছিল বা হিট হৈ পৰিছিল। লগতে এই গীতটোৱে অসমীয়া সংগীত জগতত এক বৈপ্লৱিক পৰিৱৰ্তনৰো সূচনা কৰিছিল। সমান্তৰালকৈ এই গীতে অসমীয়া লোক পৰম্পৰাক সমসাময়িক পৰিৱেশ-পৰিস্থিতিৰ সৈতে মিহলাই দিছিল।file 5/11জুবিনৰ গাৰ্গৰ বিবাহ বন্ধন...২০০২ চনৰ ৪ ফেব্ৰুৱাৰী মাহত জুবিন গাৰ্গে গোলাঘাটৰ গৰিমা শইকীয়াক জীৱন সংগী ৰূপে বৰমালা পিন্ধাই। যদিও বিবাহৰ ৰঙীন ক্ষণ বুলি ভবা হৈছিল তেতিয়াই সেই মাহতে আহিছিল দুখৰ খবৰটো। তিক্ত-সিক্ত সেই মাহটোতেই তেজপুৰৰ সমীপত গাড়ী দুৰ্ঘটনাত জুবিনৰ কনিষ্ঠ ভগ্নী উদীয়মান অভিনেত্ৰী আৰু গায়িকা জংকী বৰঠাকুৰৰ কৰুণ মৃত্যু হয়। কনিষ্ঠ ভগ্নীক হেৰুৱাই জুবিনে জংকীৰ প্ৰতি আন্তৰিক শ্ৰদ্ধাঞ্জলি জনাই পৰিৱৰ্তী পৰ্যায়ত এটা এলবাম কৰিছিল। যিটো এলবামৰ সকলো গীতে শ্ৰুতা অনুৰাগীৰ মাজত গভীৰভাৱে অনুৰণন ঘটাইছিল।file 6/11জুবিনৰ বলীউড যাত্ৰা - 'য়া আলী' (২০০৬)অসম আৰু অসমীয়া মন জয় কৰাৰ লগতে জুবিনে ২০০৬ চনত বলীউডৰ ছবি 'গেংষ্টাৰ'ত 'য়া আলী' শীৰ্ষক গীতেৰে ধুমুহাৰ সৃষ্টি কৰিছিল। জুবিনৰ কণ্ঠত 'য়া আলী' চুফী-ৰক গীতটিয়ে সমগ্ৰ ভাৰত, মধ্যপ্ৰাচ্য আৰু দক্ষিণ এছিয়াতো শীৰ্ষস্থান দখল কৰিছিল। এই গীতটোৱে তেওঁক গ্ল’বেল ইণ্ডিয়ান ফিল্ম এৱাৰ্ডছ (GIFA)ত শ্ৰেষ্ঠ প্লেবেক ছিংগাৰৰ বঁটা লাভ কৰাত সহায় কৰিছিল। বহু হিন্দী চলচ্চিত্ৰত গীত গাই জুবিন গাৰ্গ বলীউডত কম দিনৰ ভিতৰতে উজলি উঠিছিল।file 7/11সংগীতৰ লগতে অভিনয় আৰু ছবি পৰিচালনা (২০০০–২০১৭)।এজন গায়ক বা সংগীত পৰিচালনাৰ উপৰি জুবিনৰ প্ৰতিভা অন্য দিশতো বিস্তৃত ৰূপত আছিল। জুবিনে 'তুমি মোৰ মাথোঁ মোৰ' (২০০০)ৰ দৰে অসমীয়া ছবিত অভিনয় আৰু পৰিচালনা কৰিছিল। লগতে দাগ (২০০১), বিধাতা (২০০৩), কাঞ্চনজংঘা আদি ছবিতো সাৱলীল অভিনয় কৰিছিল। জুবিনে পৰিচালনা কৰা মিছন চাইনা (২০১৭)ছবিখন অসমত আছিল ব্লকবাষ্টাৰ। ইয়াৰ উপৰি ইকোজ অৱ চাইলেন্সৰ সংগীত পৰিচালনা কৰি ২০১৮ চনত ৰাষ্ট্ৰীয় চলচ্চিত্ৰ বঁটা লাভ কৰিছিল শিল্পী জুবিন গাৰ্গে।file 8/11জীৱন কালত ৩২,০০০ৰো অধিক গীত ৰেকৰ্ডিং জুবিনৰজুবিনৰ সংগীত জগতত ৪০টাতকৈও অধিক এলবাম। অসমীয়া, বাংলা, হিন্দী, তামিল, তেলেগু, কানাড়া, মালয়ালম, মাৰাঠী, ওড়িয়া, বডো, আৰু নেপালীকে ধৰি প্ৰায় ৪০টা ভাষাত গান গাই আন এক ৰেকৰ্ড কৰিছিল জুবিনে। জুবিনে জীৱনত প্ৰায় ৩২,০০০ৰো অধিক গীত গাই অসমীয়াৰ গীতৰ ভৰাল চহকী কৰি থৈ গৈছে। জুবিনৰ এনে প্ৰতিভা আৰু সৃষ্টিৰাজিৰ বাবে জুবিনক 'উত্তৰ-পূবৰ কণ্ঠ' বুলিও কোৱাৰ লগতে লুইত কণ্ঠ বুলিও কোৱা হয়।file 9/11সুৰসম্ৰাট জুবিনলৈ সন্মান...২০১১ চনত চিকাগোত অনুষ্ঠিত হোৱা অসম অধিৱেশনলৈ জুবিন গাৰ্গক অতিথি শিল্পী হিচাপে নিমন্ত্ৰণ কৰি তেখেতক সন্মানিত কৰা হয়। আঞ্চলিক আৰু ৰাষ্ট্ৰীয় মঞ্চৰ পৰাও জুবিনক একাধিক শ্ৰেষ্ঠ সংগীত পৰিচালক আৰু শ্ৰেষ্ঠ প্লেবেক ছিংগাৰৰ বঁটা প্ৰদান কৰা হয়। জুবিনক শেহতীয়া ২০২৪ চনৰ ২৭ মে’ত মেঘালয়ৰ USTM-এ সন্মানীয় ডক্টৰ অৱ লিটাৰেচাৰ (ডি.লিট) ডিগ্ৰী প্ৰদান কৰে।file 10/11জুবিনৰ গানত জাতি-ধৰ্ম একাকাৰজুবিন এনে এজন ব্যক্তি যিয়ে বিচাৰিছিল সমতা। মুকলিকৈ ধৰ্ম আৰু জাতি বাচ-বিচাৰ নকৰি জুবিনে কৈছিল 'মোৰ কোনো জাতি-ধৰ্ম নাই, মোৰ কোনো ধৰ্ম নাই'। জুবিনৰ কৰ্মৰাজীত এক সাৰ্বজনীন মনোভাৱ ফুটি উঠিছিল। যদিও ২০২২ চনত মূৰত আঘাত পোৱা আৰু শেহতীয়াকৈ স্বাস্থ্যজনিত প্ৰত্যাহ্বানে জুবিন গাৰ্গক সংগীতৰ পৰা কিছু পিছুৱাই আনিছিল, অৱশ্যে চিকিৎসকেও জুবিনক আৰাম কৰাৰ পৰামৰ্শ দিছিল।file 11/11বিশ্ব বিজয়ী জুবিনৰ ছিংগাপুৰত মৃত্যু১৯ ছেপ্টেম্বৰ, অসম আৰু অসমীয়াৰ বাবে কলা দিন। জুবিনৰ মৃত্যুৰ খবৰে সকলোকে ব্যথিত কৰি তোলাৰ লগতে সকলোকে কৰিছে চিন্তিত। বিগত সময়ত স্বাস্থ্য সম্পৰ্কীয় কেইবাটাও সমস্যাৰ পৰা ৰক্ষা পোৱা জুবিনে সাগৰত পৰি মৃত্যু হোৱা খবৰক কোনেও গ্ৰহণ কৰিব পৰা নাই। জুবিনৰ মৃত্যুৰ খবৰ অহাৰ লগে লগে সমগ্ৰ অসম নিমিষতে হৈ পৰিল স্তব্ধ। Zubeen GargAdvertismentAdvertisment Read the Next Article
/dy365live/media/agency_attachments/2025/08/12/2025-08-12t063302196z-640x480_pix-final-disha-jaiswal-2025-08-12-12-03-02.png)