আৰম্ভ হ'ল পৱিত্ৰ ৰমজান মাহ

লাখ লাখ ইছলাম ধৰ্মাৱলম্বী লোকৰ বাবে সু-খবৰ।

আৰম্ভ  হ'ল পৱিত্ৰ ৰমজান মাহ

আজিৰে পৰা আৰম্ভ হ'ল ইছলাম ধৰ্মাৱলম্বী লোকৰ পৱিত্ৰ ৰমজান মাহ। ৰমজানৰ ৰোজাক লৈ মুছলমান লোকৰ মাজত দেখিবলৈ পোৱা গৈছে ব্যাপক উছাহ। বিশ্বৰ কোটি কোটি মুছলমান লোক সাজু হৈছে ৰোজাৰ পালনৰ বাবে।

Read more: ১৫ লাভ ভোটত পৰাস্ত হ’ব ৰকিবুল হুছেইন, চেলেঞ্জ আজমলৰ

ধৰ্মীয় পৰম্পৰাৰে অসমতো চোকে-কূণে ৰমজান পালনৰ বাবে সাজু হৈছে মুছলমান লোকক। সমগ্ৰ দেশৰ লগতে অসমতো দেখা গ’ল ৰমজান মাহৰ জোন। 

এই সন্দৰ্ভত কেন্দ্ৰীয় হিলাল কমিটী অসমে ঘোষণা কৰিলে ৰমজানৰ দিন। অসমবাসী ৰাইজলৈ ৰমজানৰ শুভেচ্ছা কেন্দ্ৰীয় হিলাল কমিটীৰ তৰফৰ পৰা। আজিৰে পৰা প্ৰতিগৰাকী মুছলমানে পালন কৰিব ৰোজাৰ চেহেৰী-ইফটাৰ।

Read more:কংগ্ৰেছত আছে পত্ৰ লিখা বিধায়ক, ক্ষোভ ৰেজাউলৰ

উল্লেখযোগ্য যে ইছলাম ধৰ্মত জোনৰ ভিত্তিতেই মাহ গণনা কৰা হয়। জোন দেখাৰ পিছদিনাৰ পৰাই আৰম্ভ হয় ৰোজা। ৰমজান মাহত ৰোজাদাৰসকলে আজানৰ পূৰ্বে 'চেহেৰী' গ্ৰহণ কৰে আৰু সূৰ্যাস্তৰৰ পিছত 'ইফতাৰৰ' জৰিয়েত ৰোজা ভংগ কৰে। এই মাহত ৫ নামাজৰ লগতে বিশেষ তাৰাৱীহ নামাজ আদায় কৰা হয়। খাদ্য, পানৰ লগতে  অন্যান্য দৈহিক কামৰ আৱদ্ধতা ত্য়াগ কৰি আত্ম উন্নতিৰ বাবে ৰমজান মাহত ৰোজা পালন কৰে ইছলাম ধৰ্মাৱলম্বী লোকসকলে।

ভাৰতৰ বিভিন্ন মছজিদ সমূহত তাৰাৱীহ নামাজ, কোৰাণ পাঠ আদিৰ লগতে বিভিন্ন দান দিয়া কাৰ্য বৃদ্ধি পাই ৰমজান মাহত। ৰোজা পালন কৰাৰ পাছতেই মুছলমান লোকসকলে পৰিয়াল, বন্ধুৰে মিলিত হয় ইফতাৰৰ সময়ত। ৰমজান মাহত মুছলমান লোকৰ মাজত সামাজিক একতা বৃদ্ধি হয়। ইছলাম ধৰ্মৰ আটাইতকৈ গুৰুত্বপূৰ্ণ অংশ হিচাপে পালন কৰা ৰমজান মাহ।