অৱশেষত হাইঠা মাটিত পৰিল। ICCৰ ধমকৰ পাছতেই সুৰ সলনি হ'ল পাকিস্তানৰ। বিশ্বকাপ বৰ্জনৰ হুংকাৰ দিয়া পাকিস্তানে এতিয়া ঘোষণা কৰিলে বিশ্বকাপৰ বাবে পাকিস্তান দল। কিন্তু পাকিস্তানক বিশ্বাস কৰি ডুবিল বাংলাদেশ ক্ৰিকেট।

HSLC আৰু হায়াৰ ছেকেণ্ডাৰী পৰীক্ষাক লৈ ডাঙৰ খবৰ। কাৰণ পৰীক্ষাৰ বাবে অনা হৈছে কেইবাটাও নতুন নিয়ম। এইবাৰ সম্পূৰ্ণভাৱে চৰকাৰী শিক্ষকেই পৰিচালনা কৰিব HSLC আৰু HS পৰীক্ষা। স্বচ্ছভাৱে পৰীক্ষা অনুষ্ঠিত কৰাৰ বাবেই লোৱা হৈছে এই বিশেষ সিদ্ধান্ত।

টি-২০ বিশ্বকাপক লৈ বিতৰ্ক অব্যাহত আছে। প্ৰথমে  টি-২০ বিশ্বকাপৰ পৰা বাংলাদেশ ক্ৰিকেট দলক বাদ দিয়া আৰু এতিয়া ১০০ৰো অধিক বাংলাদেশী সাংবাদিকৰ স্বীকৃতিৰ আৱেদন নাকচ কৰি iccএ পুনৰ এক নতুন বিতৰ্কৰ সৃষ্টি কৰিছে।

দোকানত দ'মে দ'মে উদ্ধাৰ হ'ল শিশুৰ বাবে আৱণ্টিত বিস্কুট। অংগনৱাড়ী কেন্দ্ৰৰ কৰ্মী ৰৌশনাৰা খাতুনৰ বিৰুদ্ধে শিশুৰ চৰকাৰী খাদ্য বিক্ৰী কৰাৰ গুৰুতৰ অভিযোগ। দোকানৰ পৰা শিশুৰ বাবে আৱণ্টিত বিস্কুট জব্দ কৰিলে ৰাইজে। 

SRক লৈ পুনৰ সৃষ্টি হৈছে বিতৰ্কৰ। SR প্ৰক্ৰিয়াৰ জৰিয়তে এইবাৰ জীৱিত ব্যক্তিক মৃত সজোৱাৰ অভিযোগ। কঁচুগাঁও মণ্ডল বিজেপিৰ সভাপতি ৰমাকান্ত ব্ৰহ্মৰ বিৰুদ্ধে গাঁৱখনৰ ১৪২ বাসিন্দাৰ নাম কৰ্তন কৰাৰ গুৰুতৰ অভিযোগ। ঘটনাক লৈ মান্দাৰপাৰা গাঁৱত তীব্ৰ প্ৰতিক্ৰিয়া। 

মাজুলীত পৰিভ্ৰমী চৰাই নিধনৰ সন্দেহত মহিলাসহ ১৭গৰাকীক আটক কৰে আৰক্ষীয়ে। মাজুলীৰ বিভিন্ন জলাশয়ত মাৰাত্মক ফুৰাদনৰ দৰে বিহ প্ৰয়োগ কৰি পক্ষী নিধন কৰাসকলক ধৰিলে বনগাঁও আৰক্ষীয়ে।

আজি বাথৌ পূজা। অসমৰ অন্যতম জনজাতি বড়ো আৰু কছাৰীসকলৰ পবিত্ৰ উৎসৱ হৈছে এই বাথৌ পূজা। বাথৌ পূজা বড়ো জনগোষ্ঠীৰ এক ধৰ্মীয় আৰু পৰম্পৰাগত উৎসৱ। মাঘ মাহৰ দ্বিতীয় মঙলবাৰে বাথৌ পূজা পালন কৰা হয়।