দেশ জোকাৰি যোৱা এক ভয়ংকৰ পথ দুৰ্ঘটনা। নিয়ন্ত্ৰণ হেৰুৱাই দ খাৱৈত বাগৰি পৰিল এখন যাত্ৰীবাহী বাছ। উত্তৰাখণ্ডত সংঘটিত হোৱা এই শোকাৱহ দুৰ্ঘটনাত ৭ জন লোকৰ কৰুণ মৃত্যু।

ধৰ্ষণকাৰী বিজেপি নেতাক লৈ কঠোৰ উচ্চতম ন্যায়ালয়। জামিন নাপাব উন্নাও ধৰ্ষণ গোচৰত জড়িত বিজেপিৰ প্ৰাক্তন বিধায়ক কুলদীপ সিং চেংগাৰে। বিজেপিৰ হোৱা বাবেই জামিন পোৱা বুলি কুলদীপ সিং চেংগাৰৰ বিৰুদ্ধে উঠিছিল অভিযোগ ।

বাংলাদেশৰ প্ৰাক্তন প্ৰধানমন্ত্ৰী খালেদা জিয়াৰ মৃত্যু। দীৰ্ঘদিনীয়া অসুস্থতাৰ অন্তত আজি শেষ নিশ্বাস ত্যাগ কৰে খালেদা জিয়াই। ঢাকাৰ চিকিৎসালয়ত পুৱা শেষ নিশ্বাস ত্যাগ কৰে বাংলাদেশৰ প্ৰাক্তন প্ৰধানমন্ত্ৰী খালেদা জিয়াই।

ভাৰতীয় ৰিজাৰ্ভ বেংকৰ প্ৰতিবেদন অনুযায়ী দেশৰ ভিতৰতে দ্ৰুত বিকাশশীল ৰাজ্যত পৰিণত অসম। বিগত ৫টা বৰ্ষত অসমৰ বিকাশৰ হাৰ ৪৫শতাংশলৈ বৃদ্ধি। RBIৰ পৰিসংখ্যা অনুসৰি ২০২০ বিত্তীয় বৰ্ষৰ পৰা ২০২৫ বিত্তীয় বৰ্ষৰ ভিতৰত অসমৰ জি এছ ডি পি প্ৰায় ৪৫ শতাংশ বৃদ্ধি পাইছে।

৩১ ডিচেম্বৰত নাপাব অনলাইন ডেলিভাৰী। নৱবৰ্ষ উদযাপনৰ প্ৰাকক্ষণত অনলাইন অৰ্ডাৰ কৰাসকলৰ বাবে এটা বেয়া খবৰ।  Swiggy, Zomato, BlinkItৰ দৰে বিভিন্ন অনলাইন প্লেটফৰ্মত কাম কৰা ডেলিভাৰী বয় সকলে ৩১ ডিচেম্বৰত ঘোষণা কৰিছে দেশজোৰা ধৰ্মঘটৰ।  

আজি অসমলৈ আহিব কেন্দ্ৰীয় গৃহমন্ত্ৰী অমিত শ্বাহ। কেইবাটাও কাৰ্যসূচীৰে অসমলৈ আহিব কেন্দ্ৰীয় গৃহ মন্ত্ৰী অমিত শ্বাহ। চৰকাৰী সময়সূচী অনুসৰি আজি নিশা গুৱাহাটীত উপস্থিত হ'ব গৃহমন্ত্ৰীগৰাকী। কইনাধৰাৰ ১নং ৰাজ্যিক অতিথিশালাত নিশা কটাব গৃহ মন্ত্ৰী অমিত শ্বাহে।

নৱবৰ্ষৰ আৰম্ভণিতে সলনি হ’ব বহুকেইটা নিয়ম। গেছ চিলিণ্ডাৰৰ পৰা আৰম্ভ কৰি পেন কাৰ্ড, আধাৰ কাৰ্ড, UPI লৈকে বহু ক্ষেত্ৰতে নিয়ম সলনি হ'ব। যদি আপুনি আপোনাৰ পেন কাৰ্ড আধাৰ কাৰ্ডৰ সৈতে লিংক কৰা নাই তেনেহলে ১ জানুৱাৰীৰ পৰা নিষ্ক্ৰিয় হ’ব আপোনাৰ পেন কাৰ্ড!