বিজেপি, AGP, BPF আৰু UPPL দলৰ মাজত মিত্ৰতা হ'বই। অগপৰ লগতো আসন বুজাবুজিক লৈ আমাৰ কোনো অসুবিধা নাই। আমাৰ মাজত আসনক লৈ ঘৰুৱাভাৱেই আলোচনা হ'ব। NDAৰ আসন বুজাপৰাক লৈ এই মন্তব্য মুখ্যমন্ত্ৰী হিমন্ত বিশ্ব শৰ্মাৰ।

গুৱাহাটীত আজি ভাৰত-নিউজিলেণ্ডৰ তৃতীয়খন টি-২০। বৰ্ষাপাৰাত অনুষ্ঠিত হ'বলগীয়া খেলখনত শৃংখলা জয়ৰ লক্ষ্যৰে অৱতীৰ্ণ হ'ব সূৰ্যকুমাৰ যাদৱ নেতৃত্বাধীন টীম ইণ্ডিয়া। আনহাতে পৰাজয়ৰ হেট্ৰিকৰ পৰা বাচিবলৈ কিৱি বাহিনীৰ সম্মুখত আজি মৰণপন যুঁজ।

বিজেপিত কোনে টিকট পাব এই সিদ্ধান্ত ৰাজ্যিক বিজেপিয়ে ল'ব নোৱাৰে। কেন্দ্ৰীয় নিৰ্বাচন সমিতিৰ বৈঠকত চূড়ান্ত হ'ব বিজেপিৰ প্ৰাৰ্থী তালিকা। অন্য দলৰ নিচিনা ৰাজ্যিক বিজেপিয়ে প্ৰাৰ্থী তালিকা ঘোষণা কৰিব নোৱাৰে। বিজেপিৰ টিকটক লৈ দিলীপ শইকীয়াৰ গুৰুত্বপূৰ্ণ মন্তব্য।

বিৰোধী মিত্ৰজোঁটত মেলিব নেকি ফাট? অখিল গগৈৰ দলে কংগ্ৰেছক বান্ধি দিলে শেষ সময়। মিত্ৰতা চূড়ান্ত হ’লে ২০খন আসনত সন্তুষ্ট হ’ব ৰাইজৰ দল। অন্যথা এককভাৱে আগবঢ়াৰ হুংকাৰ।

জোনবিল মেলাৰ আজি দ্বিতীয় দিন। জাগীৰোডৰ জোনবিলৰ পাৰত দেখা গৈছে উখল-মাখল পৰিৱেশ। জোনবিলত সমূহীয়া মৎস্য চিকাৰ কৰিবলৈ গৈ আনন্দ-উল্লাস প্ৰতিজনৰ। ভিন্ন জাতি-জনগোষ্ঠীৰ সমন্বয়ৰ মিলনভূমি জোনবিল মেলাত দেখিবলৈ পোৱা গ'ল পাহাৰ-ভৈয়ামৰ সম্প্ৰীতিৰ নিদৰ্শন।

বিজেপি চৰকাৰৰ বিৰুদ্ধে একাংশ মহিলা ওলাই আহিছে ৰাজপথলৈ। নলবাৰী জিলাৰ বৰক্ষেত্ৰী সমষ্টিত মহিলা উদ্যমিতা আঁচনিৰ ধনৰ পৰা বঞ্চিত মহিলাৰ বিদ্ৰোহ। নিৰ্বাচনৰ পূৰ্বে মহিলা উদ্যমিতা আঁচনিৰ‌ ধন নাপালে নিৰ্বাচনত বিজেপিক ভোট নিদিয়াৰো হুংকাৰ প্ৰতিবাদী মহিলাৰ।

গুৱাহাটীৰ কাহিলিপাৰাত ভয়ংকৰ দুৰ্ঘটনা। ১০৮ৰ খু্ন্দাত মৃত্যু এগৰাকী যুৱতীৰ। মৃত যুৱতীগৰাকী বঙাইগাঁৱৰ লুনা ভৰদ্বাজ। লুনা ভৰদ্বাজ J B LAW কলেজৰ আইনৰ শিক্ষাৰ্থী আছিল।