জুবিন গাৰ্গৰ মৃত্যুৰ গোচৰত গ্ৰেপ্তাৰ হোৱা শ্যামকানু মহন্তৰ জ্যেষ্ঠ ভাতৃ মহন্তই এৰিলে ৰাজ্যিক মুখ্য তথ্য আয়ুক্তৰ পদ। মুখ্যমন্ত্ৰীৰ পৰামৰ্শৰ পিছতে পদত্যাগ কৰিলে মহন্তই

ৰাজ্যজুৰি ৰাসৰ উখল-মাখল পৰিৱেশ। আজিৰে পৰা ৰাজ্যজুৰি আৰম্ভ হৈছে ৰাস মহোৎসৱ। হৰি নামৰ ৰসেৰে মুখৰ হৈছে প্ৰতিখন সত্ৰ, প্ৰতিটো নামঘৰ। সকলো স্থানতে ৰখা হৈছে প্ৰাণৰ শিল্পী জুবিন গাৰ্গক শ্ৰদ্ধাঞ্জলি জনোৱাৰ ব্যৱস্থা।

এক ঐতিহাসিক মূহূৰ্তৰ সাক্ষী হবলৈ গৈ আছে গুৱাহাটী। প্ৰথমবাৰলৈ বৰ্ষাপাৰাই আয়োজন কৰিব টেষ্ট মেচ। ২২-২৬ নৱেম্বৰত বৰ্ষাপাৰাৰ ACA ষ্টেডিয়ামত অনুষ্ঠিত হ'ব ভাৰত আৰু দক্ষিণ আফ্ৰিকাৰ মাজৰ ঐতিহাসিক টেষ্ট মেচ।  

পদুম এৰাৰ পাছত আজি জাহাজত উঠিল ৰাজেন গোহাঁই। আনুষ্ঠানিকভাৱে আজি অসম জাতীয় পৰিষদত যোগদান কৰিলে ৰাজ্যিক বিজেপিৰ প্ৰাক্তন সভাপতিজনে। ৰাজেন গোহাঁইৰ যোগদানে অসম জাতীয় পৰিষদক শক্তিশালী কৰিব বুলি মন্তব্য অজাপৰ সভাপতি লুৰিণজ্যোতি গগৈৰ। 

অবৈধ বেদখলকাৰীক পুনৰ সকীয়ণি ৰাজ্যৰ মুখ্যমন্ত্ৰী হিমন্ত বিশ্ব শৰ্মাৰ। বেদখলকাৰীৰ পৰা আজুৰি অনা হ'ব প্ৰতি ইঞ্চি মাটি। মুখ্যমন্ত্ৰীৰ স্পষ্ট মন্তব্য- বেদখলকাৰীৰ পৰা মাটি আজুৰি আনিব নোৱাৰিলে মোৰ মুখ্যমন্ত্ৰী হৈ থকাৰ অধিকাৰ নাই।

সুধাকণ্ঠ ড০ ভূপেন হাজৰিকা বিহীন ১৪টা বছৰ পাৰ কৰিলে অসমে। আজিৰ পৰা ১৪ বছৰ পূৰ্বে মুম্বাইৰ কোকিলাবেন ধীৰুভাই আম্বানি হস্পাতালৰ পৰা অসমলৈ আহিছিল এটি দুঃসম্বাদ। সুধাকণ্ঠ ড৹ ভূপেন হাজৰিকা আৰু নাই বুলি অহা এই দুঃসম্বাদটোৱে আঘাত দিছিল প্ৰতিজন অসমীয়াক।

লক্ষ্য ২০২৬ৰ নিৰ্বাচন! ৰাজ্যিক বিজেপিত আৰম্ভ হৈছে ব্যাপক সাংগঠনিক পৰিৱৰ্তন। NDAত থাকিব নে অগপ UPPL? ১৫ নৱেম্বৰৰ ভিতৰত ব্যাপক সাংগঠনিক পৰিৱৰ্তনৰ লক্ষ্য বিজেপিৰ।