ফিলিপাইনছত ভূমিকম্পৰ সংহাৰী ৰূপ

ভূমিকম্পৰ সংহাৰী ৰূপ নিহত ৬৯ আৰু আহত ১৫০

গুৱাহাটী:মঙলবাৰে নিশা ফিলিপাইনছৰ কেন্দ্ৰীয় প্ৰদেশ চেবুৰ উপকূলৰ ওচৰত অহা এক ৬.৯ প্ৰাবল্যৰ শক্তিশালী ভূমিকম্পই বিস্তৰ ক্ষতি সাধন কৰিছে। এই ভূমিকম্পত এতিয়ালৈকে কমেও ৬৯ জন লোকৰ মৃত্যু হোৱাৰ লগতে ১৫০ জনৰো অধিক লোক আহত হোৱাৰ খবৰ পোৱা গৈছে।স্থানীয়সময় অনুসৰি ভূমিকম্পটো নিশা প্ৰায় ১০ বজাত আঘাত হানে।

ভূমিকম্পৰ ফলত বহুতো ঘৰ-দুৱাৰ, ব্যৱসায়িক প্ৰতিষ্ঠান আৰু আন্তঃগাঁথনিৰ ব্যাপক ক্ষতি হৈছে। বিশেষকৈ চেবু প্ৰদেশৰ বোগো চহৰ আৰু ইয়াৰ আশে-পাশে থকা গ্ৰাম্য অঞ্চলবোৰ বেয়াকৈক্ষতিগ্ৰস্ত হৈছে, য'ত মৃত্যুৰ সংখ্যা অধিক।বোগো চহৰ আৰু কাষৰীয়া চান ৰেমিগিঅ' আৰু মেডেলিন টাউনত সৰ্বাধিক মৃত্যুৰ খবৰ পোৱা গৈছে।

ধ্বংসস্তূপৰ মাজত এতিয়াও বহু লোক আৱদ্ধ হৈ থকাৰ আশংকা কৰা হৈছে।সেনা, আৰক্ষী আৰু স্বেচ্ছাসেৱকসকলে খনন যন্ত্ৰ আৰু কুকুৰৰ সহায়ত যুদ্ধকালীন তৎপৰতাৰে উদ্ধাৰ অভিযান চলাই আছে।তীব্রজোকাৰণিৰ ফলত বহু অঞ্চলত বিদ্যুৎ যোগান ব্যাহত হৈছে।

চুনামিসতৰ্কতা:ভূমিকম্পৰ পিছতে ফিলিপাইনছৰ আগ্নেয়গিৰি আৰু ভূকম্পন বিজ্ঞান প্ৰতিষ্ঠানে চুবুৰীয়ালেইটেআৰু বিলিয়ানপ্ৰদেশৰ উপকূলীয় অঞ্চলৰ বাসিন্দাসকলক সাময়িকভাৱেচুনামি সতৰ্কতাজাৰি কৰিছিল, কিন্তু পাছত কোনো ডাঙৰ ঢৌ অহাৰ লক্ষণ নোপোৱাত এই সতৰ্কতা প্ৰত্যাহাৰ কৰা হয়।

প্ৰাকৃতিক দুৰ্যোগৰ দুৰ্বলতাউল্লেখ্য যে ফিলিপাইনছ "পেচিফিক ৰিং অফ ফায়াৰ"অঞ্চলত অৱস্থিত হোৱাৰ বাবে সঘনাই ভূমিকম্প আৰু আগ্নেয়গিৰিৰ উদগীৰণ হয়। এই প্ৰবল ভূমিকম্পৰ পূৰ্বে শেহতীয়াকৈহোৱাএকঘূৰ্ণীবতাহৰ ফলত অঞ্চলটোত ইতিমধ্যে যথেষ্ট ক্ষতি হৈছিল। এই দুটা দুৰ্যোগৰ ফলত অঞ্চলটোৰ জনসাধাৰণ মানসিকভাৱে জুৰুলা হৈ পৰিছে। বহুতে বৰষুণৰ মাজতো নিজৰ ঘৰলৈ উভতি যাবলৈ ভয় কৰি মুকলি ঠাইত আশ্ৰয় লৈ আছে।

প্ৰশাসনিক তৎপৰতা: চেবু প্ৰদেশত ইতিমধ্যে 'দুৰ্যোগৰ স্থিতি' ঘোষণা কৰা হৈছে, যাৰ ফলত জৰুৰীকালীন সাহাৰ্য পুঁজি সহজে উপলব্ধ হ'ব। প্ৰশাসনে আহতসকলক চিকিৎসা সেৱা প্ৰদান কৰিবলৈ আৰু প্ৰয়োজনীয় খাদ্য আৰু পানী যোগান ধৰিবলৈ সকলো ধৰণৰ চেষ্টা চলাই আছে।