আকৌ এবাৰ ৰাহুল গান্ধীৰ টাৰ্গেট নিৰ্বাচন আয়োগ। হাৰিয়ানা বিধানসভা নিৰ্বাচনত ভুৱা ভোটাৰে বিজেপিয়ে জয়লাভ কৰাৰ অভিযোগ। ভোট চুৰিৰ ব্যৱস্থাৰে বিজেপিয়ে দেশৰ গণতান্ত্ৰিক প্ৰক্ৰিয়া ধ্বংস কৰাৰ অভিযোগ ৰাহুলৰ।

পদুম এৰাৰ পাছত আজি জাহাজত উঠিল ৰাজেন গোহাঁই। আনুষ্ঠানিকভাৱে আজি অসম জাতীয় পৰিষদত যোগদান কৰিলে ৰাজ্যিক বিজেপিৰ প্ৰাক্তন সভাপতিজনে। ৰাজেন গোহাঁইৰ যোগদানে অসম জাতীয় পৰিষদক শক্তিশালী কৰিব বুলি মন্তব্য অজাপৰ সভাপতি লুৰিণজ্যোতি গগৈৰ। 

লক্ষ্য ২০২৬ৰ নিৰ্বাচন! ৰাজ্যিক বিজেপিত আৰম্ভ হৈছে ব্যাপক সাংগঠনিক পৰিৱৰ্তন। NDAত থাকিব নে অগপ UPPL? ১৫ নৱেম্বৰৰ ভিতৰত ব্যাপক সাংগঠনিক পৰিৱৰ্তনৰ লক্ষ্য বিজেপিৰ।

মাজত মাত্ৰ এটা দিন। ৬ নৱেম্বৰত বিহাৰ বিধানসভাৰ প্ৰথম পৰ্যায়ৰ নিৰ্বাচন। বিহাৰক লৈ অংক ৰাজনৈতিক সমীক্ষকৰ। নীতিশ নে তেজস্বী ? মুখ্যমন্ত্ৰী হিচাপে এইবাৰ কাক বিচাৰিছে বিহাৰে?

২০২৬ৰ নিৰ্বাচনত অগপ আৰু বিজেপিৰ মিত্ৰতা নাথাকিবও পাৰে। মিত্ৰতাৰ মৰ্যাদা নাপালে অকলেই নিৰ্বাচন খেলাৰ পণ লৈছে অসম গণ পৰিষদে। ৬০টা সমষ্টিত নিৰ্বাচন খেলাৰ যো-জা অগপৰ।

'মাতৃ-সন্তানৰ মমতাৰ প্ৰতীকেই হ'ল মিঠাতেল'। 'কংগ্ৰেছে মাকৰ মৰম বুজি নাপায়, মিঠাতেলক লৈ মোক জুকাই'। 'এদিন মিঠাতেল নোহোৱাকৈ কংগ্ৰেছে দালি খাই দেখুৱাওক'। মন্তব্য মুখ্যমন্ত্ৰী হিমন্ত বিশ্ব শৰ্মাৰ।

জুবিন গাৰ্গৰ মৃত্যুৰ ন্যায় বিচাৰি ৰাজপথলৈ ওলাই আহিল বিজেপি দল। নলবাৰীত বিজেপিৰ ‘ময়ো জুবিন অনুৰাগী, আমিয়ো জুবিন অনুৰাগী’ কাৰ্যসূচী। দিলীপ শইকীয়াৰ, পবিত্ৰ মাৰ্ঘেৰিটা, চন্দ্ৰমোহন পাটোৱাৰী, জয়ন্ত মল্লবৰুৱাই অংশ ল'লে প্ৰতিবাদত।