পাকিস্তানত হিংসাত্মক প্ৰতিবাদঃ TLPৰ ‘গাজা মাৰ্চ’ৰ বাবে ইছলামাবাদত হাই-এলাৰ্ট

পাকিস্তানত হিংসাত্মক প্ৰতিবাদ: TLP ৰ ‘গাজা মাৰ্চ’ ৰ বাবে ইছলামাবাদত হাই-এলাৰ্ট 

পেলেষ্টাইনৰ গাজা ভূখণ্ডত হোৱা গণহত্যাৰ বিৰুদ্ধে আৰু মাৰ্কিন মধ্যস্থতাত হোৱা যুদ্ধবিৰতিৰ বিৰোধিতাৰে আমেৰিকাৰ দূতাবাস অভিমুখে ইছলামিক সংগঠনৰ উত্তাল প্ৰতিবাদ। ইছলামিক সংগঠন তেহৰীক-ই-লাব্বাইক পাকিস্তান (Tehreek-i-Labbaik Pakistan - TLP)ৰ ‘গাজা মাৰ্চ’ৰ বাবে পাকিস্তানৰ ৰাজধানী ইছলামাবাদত ব্যাপক উত্তেজনাৰ সৃষ্টি হোৱাত হাই-এলাৰ্টৰ জাৰি কৰা হৈছে। শুকুৰবাৰে লাহোৰৰ পৰা টিএলপিৰ মুৰব্বী ছাদ ৰিজভিৰ নেতৃত্বত ওলোৱা এই মাৰ্চক আৰক্ষীয়ে বাধা দিবলৈ চেষ্টা কৰাৰ ফলত সংগঠনটোৰ সমৰ্থক আৰু নিৰাপত্তাৰক্ষীৰ মাজত হিংসাত্মক সংঘৰ্ষ সৃষ্টি হয়।

ALSO READ:জনজাতিকৰণৰ দাবীত কঁপিছে তিনিচুকীয়া,ৰাজপথত লাখ লাখ প্ৰতিবাদকাৰী...

লাহোৰৰ বহুকেইটা স্থানত টিএলপি সমৰ্থকসকলে আৰক্ষীক শিলগুটি নিক্ষেপ কৰে। এই উত্তেজনাময় পৰিস্থিতিত ব্যক্তিগতৰ লগতে চৰকাৰী বাহনো ক্ষতিগ্ৰস্ত হয়। আৰক্ষীয়ে কন্দোৱা গেছ আৰু লাঠিচালনাৰে প্ৰতিবাদকাৰীক বাধা দিবলৈ চেষ্টা কৰে। টিএলপি-য়ে দাবী কৰিছে যে এই সংঘৰ্ষত তেওঁলোকৰ কেইবাজনো সদস্য নিহত হৈছে, যদিও চৰকাৰীভাৱে এই সংখ্যা নিশ্চিত হোৱা নাই। ঘটনাত শতাধিক লোক আহত হোৱাৰ লগতে কেইবাজনো আৰক্ষী বিষয়াই গুৰুতৰ আঘাত পাইছে।

ALSO READ:নেপালত বান-ভূমিস্খলনত ৫২জনকৈ লোকৰ মৃত্যু

আনহাতে টিএলপিৰ নেতৃত্বই দাবী কৰিছে যে লাহোৰ আৰু ইয়াৰ আশে-পাশে আৰক্ষীৰ সৈতে হোৱা সংঘৰ্ষত তেওঁলোকৰ ১১ জন সমৰ্থকৰ মৃত্যু হৈছে। কিন্তু আৰক্ষীৰ সূত্ৰই এই বৃহৎ সংখ্যক মৃত্যুৰ সংখ্যা এতিয়ালৈকে নিশ্চিত কৰা নাই। আৰম্ভণিতে, কিছুমান আৰক্ষীৰ সূত্ৰই এজন বা দুজন প্ৰতিবাদকাৰীৰ মৃত্যু হোৱাৰ কথা স্বীকাৰ কৰিছিল। চৰকাৰে টিএলপিৰ এই ১১ জনৰ মৃত্যুৰ দাবীৰ ওপৰত কোনো আনুষ্ঠানিক মন্তব্য কৰা নাই। টিএলপিৰ মতে তেওঁলোকৰ ৫০ জনতকৈ অধিক সমৰ্থক আহত হৈছে। আৰক্ষীৰ তথ্য অনুসৰি সংঘৰ্ষত ১০ জনতকৈ অধিক আৰক্ষী বিষয়া আহত হৈছে। মুঠতে, টিএলপিয়ে ১১জন সমৰ্থকৰ মৃত্যুৰ দাবী কৰিছে যদিও চৰকাৰীভাৱে এই সংখ্যা নিশ্চিত কৰা হোৱা নাই।

ALSO READ:জয়পুৰৰ চিকিৎসালয়ৰ আই চি ইউত ভয়াৱহ অগ্নিকাণ্ড: ৬ জন গুৰুতৰ ৰোগীৰ কৰুণ মৃত্যু

প্ৰতিবাদকাৰীসকল ৰাজধানী ইছলামাবাদত প্ৰৱেশ কৰিব নোৱাৰাকৈ প্ৰশাসনে ব্যৱস্থা গ্ৰহণ কৰিছে। ইছলামাবাদ আৰু ৰাৱালপিণ্ডিৰ সকলো মুখ্য পথত শ্বিপিং কন্টেইনাৰ ব্যৱহাৰ কৰি বেৰিকেটেৰে পথ অৱৰোধৰ চেষ্টা কৰিছে। চহৰৰ ‘ৰেড জ’ন’ য'ত চৰকাৰী কাৰ্যালয় আৰু কূটনৈতিক কাৰ্যালয় আছে, সেয়াও সম্পূৰ্ণৰূপে ছীল কৰা হৈছে।

প্ৰতিবাদকাৰীসকল লাহোৰৰ পৰা ইছলামাবাদত থকা আমেৰিকাৰ দূতাবাসৰ ফালে আগবাঢ়ি গৈ আছে। পৰিস্থিতি নিয়ন্ত্ৰণ কৰিবলৈ কৰ্তৃপক্ষই ইছলামাবাদ আৰু ৰাৱালপিণ্ডিৰ সকলো প্ৰধান পথ বন্ধ কৰি দিছে আৰু মোবাইল ইণ্টাৰনেট সেৱাও বন্ধ কৰা হৈছে। আৰক্ষীয়ে প্ৰতিবাদকাৰীসকলক বাধা দিবলৈ কন্দোৱা গেছ আৰু লাঠিচালনা কৰাও পৰিলক্ষিত হৈছে।

ALSO READ:ICC মহিলা বিশ্বকাপত আজাদ কাশ্মীৰৰ প্ৰসংগ:বিতৰ্কত সানা মিৰ

প্ৰতিবাদকাৰীসকলৰ মাজত যোগাযোগ বন্ধ কৰিবলৈ ইছলামাবাদ আৰু ৰাৱালপিণ্ডিৰ কিছুমান এলেকাত মোবাইল ইণ্টাৰনেট সেৱা বন্ধ কৰি দিয়া হৈছে। ফলত সাধাৰণ লোকৰ দৈনন্দিন জীৱন-যাত্ৰাত ব্যাপক অসুবিধাৰ সৃষ্টি হৈছে। পাকিস্তানৰ গৃহ মন্ত্ৰালয়ে স্পষ্ট কৰি দিছে যে কোনো পৰিস্থিতিতে হিংসা বা ৰাজনৈতিক ব্লেকমেইলিং সহ্য কৰা নহ'ব। চৰকাৰে টিএলপিৰ এই প্ৰতিবাদক “ৰাজনৈতিক উদ্দেশ্যত ধৰ্মীয় আৱেগৰ অপব্যৱহাৰ” বুলি অভিযোগ কৰিছে। ইতিমধ্যে প্ৰতিবাদ আৰু হিংসাৰ অভিযোগত আৰক্ষীয়ে টিএলপিৰ এশৰো অধিক কৰ্মীক গ্ৰেপ্তাৰ কৰিছে।

ALSO READ:ফিলিপাইনছত ভূমিকম্পৰ সংহাৰী ৰূপ

আনহাতে, শেহতীয়াকৈ পাকিস্তান অধিকৃত কাশ্মীৰতো (PoK) অভূতপূৰ্ব প্ৰতিবাদ হৈছিল। বিজুলীৰ অত্যধিক মাচুল, ঘেঁহু, আটাৰ নাটনি আৰু ৰাজনৈতিক বঞ্চনাৰ বিৰুদ্ধে হোৱা এই প্ৰতিবাদবোৰত সাধাৰণ লোক আৰু নিৰাপত্তা বাহিনীৰ মাজত তীব্ৰ সংঘৰ্ষ হৈছিল, য'ত কমেও ১২ জন লোকে প্ৰাণ হেৰুৱাইছিল। চৰকাৰে সাময়িকভাৱে দাবী মানি লোৱাৰ পিছতো অঞ্চলটোত এতিয়াও উত্তেজনা অব্যাহত আছে। পাকিস্তানৰ ৰাজনৈতিক পৰিস্থিতি কেইবাটাও ফালৰ পৰা সংঘাতপূৰ্ণ হৈ আছে, য'ত  ইছলামিক সংগঠনে চৰকাৰক প্ৰত্যাহ্বান জনাই ৰাজধানী অচল কৰি তোলাৰ ভাবুকি প্ৰদান কৰিছে।