মায়াবিনী,জুবিন আৰু মায়াবিনী গীতৰ ৰয়েল্টী

মায়াবিনী,জুবিন আৰু মায়াবিনী গীতৰ ৰয়েল্টী...

(গুৱাহাটী): জনপ্ৰিয় শিল্পী জুবিন গাৰ্গৰ আকস্মিক বিয়োগৰ শোকৰ মাজতে তেওঁৰ কালজয়ী গীত "মায়াবিনী ৰাতিৰ বুকুত" স্বত্বাধীকাৰ আৰু ৰয়েল্টীক লৈ সৃষ্টি হোৱা বিতৰ্কই এক গুৰুতৰ ৰূপ লৈছে। শেহতীয়াকৈ, জনপ্ৰিয় অডিঅ' ষ্ট্ৰীমিং প্লেটফৰ্মসমূহৰ পৰা এই আইকনিকঅসমীয়া গীতটি হঠাতে অপসাৰণ কৰা হৈছে। এই ঘটনাই সমগ্ৰ ৰাজ্যৰ অনুৰাগীৰ মাজত তীব্ৰ ক্ষোভ আৰু আৱেগিক আঘাতৰ সৃষ্টি কৰিছে।

বিভিন্ন বাতৰি আৰু সামাজিক মাধ্যমৰ সূত্ৰ অনুসৰি, স্পটিফাই (Spotify), এপল মিউজিক (Apple Music), জিঅ'ছাৱন(JioSaavn) আৰু গানা(Gaana)কে ধৰি কেইবাটাও শীৰ্ষস্থানীয় ডিজিটেল প্লেটফৰ্মৰ পৰা জুবিন গাৰ্গৰ এই গীতটি অপসাৰণ কৰা হৈছে।

মালিকীস্বত্বৰ প্ৰশ্ন: আনুষ্ঠানিক তথ্য অনুসৰি, জুবিন গাৰ্গৰ সংগীতৰ অধিকাৰ Zubeen Garg Music LLP নামৰ এক প্ৰতিষ্ঠানৰ জিম্মাত আছে। এই প্ৰতিষ্ঠানটোৰ দুজন নিৰ্দেশকৰ ভিতৰত জুবিন গাৰ্গ নিজেও আছিল আৰু আনজন হৈছে তেওঁৰ দীৰ্ঘদিনীয়া মেনেজাৰ সিদ্ধাৰ্থ শৰ্মা।

বিবাদৰ সূত্ৰপাত: জুবিন গাৰ্গৰ আকস্মিক মৃত্যুৰ সময়ত মেনেজাৰ সিদ্ধাৰ্থ শৰ্মাৰ ভূমিকা আৰু পৰৱৰ্তী সময়ত তেওঁৰ বিৰুদ্ধে অৱহেলাৰ অভিযোগ উত্থাপন হোৱাৰ ফলত এই LLP-ত তেওঁৰ ভূমিকা আৰু তেওঁ লাভ কৰিব পৰা বিত্তীয় সুবিধাক লৈ জনসাধাৰণৰ মাজত ক্ষোভ বৃদ্ধি পাইছে।

অনলাইনৰ পৰা গীতটো আঁতৰোৱা: গীতটি হঠাতে অনলাইন প্লেটফৰ্মৰ পৰা নোহোৱা হোৱাৰ পাছত অনুৰাগীসকলে ইয়াক কেৱল এক কাৰিকৰী বিজুতি হিচাপেই নহয়, শিল্পীজনৰ আৱেগিক সৃষ্টিৰ প্ৰতি এক অপমান হিচাপে গণ্য কৰিছে।

সাংস্কৃতিক ক্ষেত্ৰৰ দাবী:অসমৰ বিভিন্ন শিল্প জগতৰ লগত জড়িত ব্যক্তি, কলা কৌশলী আৰু সাধাৰণ জনতাই এই ক্ষেত্ৰত মাত মাতিছে। অসম সাহিত্য সভাৰ প্ৰাক্তন মুখ্য সচিব ড° উপেন্দ্ৰজিৎ শৰ্মাৰ দৰে বিশিষ্ট ব্যক্তিসকলেও বিষয়টোত উদ্বেগ প্ৰকাশ কৰিছে। তেওঁলোকে অসমৰ মুখ্যমন্ত্ৰী ড° হিমন্ত বিশ্ব শৰ্মাক জুবিন গাৰ্গৰ উত্তৰাধিকাৰ সুৰক্ষিত কৰিবলৈ ততাতৈয়াকৈ হস্তক্ষেপ কৰিবলৈ আহ্বান জনাইছে।

যি সময়তজুবিন গাৰ্গৰ অন্ত্যেষ্টিক্ৰিয়াত সমগ্ৰ অসমে তেওঁৰ শেষ ইচ্ছা অনুসৰি 'মায়াবিনী' গীতেৰে বিদায় জনাইছিল, সেই সময়তে গীতটিৰ স্বত্বক লৈ হোৱা এই বিতৰ্ক আৰু ইয়াৰ অপসাৰণে সমগ্ৰ ৰাজ্যতে গভীৰ আৱেগিক আলোড়নৰ সৃষ্টি কৰিছে। শিল্পীজনৰ বিশাল সৃষ্টিৰাজীৰ স্বত্ব আইনীভাৱে সুৰক্ষিত কৰাৰ দাবী এতিয়া জোৰদাৰ হৈ উঠিছে।

শেহতীয়াকৈ আজিৰ তথ্য আনুসৰিজুবিনৰমায়াবিনী গীতৰ ৰয়েল্টী পাব গৰিমাই। "দাগ" শীৰ্ষক চলচিত্ৰখনৰ প্ৰযোজক নীলোত্‍পল চৌধুৰীৰ সৈতে ভাগ হ’ব ৰয়েল্টীৰ। যিহেতু মায়াবিনী গীতটো দাগ বোলছবিখনৰ গীত। Spotify আৰু Apple Musicৰৰয়েল্টীৰ হ’ব ভাগ। পূৰ্বে বে-আইনীভাৱেআপলোড কৰা সকলৰ বিৰুদ্ধে ব্যৱস্থা গ্ৰহণ হ’ব বুলি ঘোষণা কৰিলে চৌধুৰীয়ে।